ފާއިތުވި 10 މަސް ދުވަސްތެރޭގައި 4000 އަށްވުރެ ގިނަ ބިދޭސީން ޑީޕޯޓް ކޮށްލެވިއްޖެ: އިމިގްރޭޝަން

ފާއިތުވި 10 މަސް ދުވަސްތެރޭގައި ޤަވާޢިދާއި ޚިލާފަށް އުޅޭ 4054 ބިދޭސީން ޑީޕޯޓް ކޮށްލެވިފައިވާ ކަމަށް މޯލްޑިވްސް އިމިގްރޭޝަނުން ބުނެފިއެވެ.

އިމިގްރޭޝަނުން ބުނެފައިވަނީ 17 ނޮވެމްބަރު 2023 ހުން ފެށިގެން 17 ސެޕްޓެމްބަރު 2024 އާއި ހަމައަށް ޤަވާޢިދާ ޚިލާފުވެގެން 4054 ބިދޭސީން ޑީޕޯޓް ކޮށްލެވިފައިވާ ކަމަށެވެ.

އެގޮތުން 17 ނޮވެމްބަރު 2023 ހުން ފެށިގެން އެމަހުގެ ނިޔަލަށް 90 ބިދޭސީއަކު ފޮނުވައިލައިފައިވެއެވެ.

މީގެ އިތުރުން ޑިސެމްބަރު 2023، 202 މީހެއް، ޖެނުއަރީ 2024 ގައި 237 މީހެއް، ފެބްރުއަރީ 2024 ގައި 309 މީހެއް، މާރިޗު 332 މީހެއް، އޭޕްރީލް 240 މީހެއް، މެއި 2024ގައި 377 މީހެއް، ޖޫން 2024 ގައި 690 މީހެއް، ޖުލައި 2024 ގައި 461 މީހެއް، އޮގަސްޓު 2024ގައި 453 މީހެއް އަދި ސެޕްޓެމްބަރު 2024 ގެ 17 ވަނަ ދުވަހާއި ހަމައަށް 663 މީހެއް ފޮުނުވާލައިފައިވާ ކަމަށްވެސް ވަނީ ބުނެފައެވެ. 

ފާއިތުވި 10 މަސް ތެރޭގައި ގަވާއިދާ ހިލާފުވެގެން ފޮނުވާލެވުނު ބިދޭސީންގެ އަދަދު

(17 ނޮވެންބަރު 2023 - 17 ސެޕްޓެންބަރު 2024) pic.twitter.com/sM9b61AUZo

— Maldives Immigration (@ImmigrationMV) September 22, 2024

ރާއްޖޭގައި ޤަވާޢިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމަށް އިމިގްރޭޝަނާއި ފުލުހުން އަދި ދާޚިލީ ވުޒާރާ އާއި ކަމާ ގުޅޭ އެހެން މުވައްސަސާ ތަކުން ދަނީ މަސައްކަތް ތަކެއް ކުރަމުންނެވެ.

އެގޮތުން ޤަވާޢިދާ ޚިލާފަށް ބިދޭސީން ކުރަމުންދާ ވިޔަފާރިތައް ހުއްޓުވައިފައިވެއެވެ. 

އަދި ޤަވާޢިދާ ޚިލާފަށް ބިދޭސީން ކުރަމުންދާ ގިނަ ކަންތައްތަކެއް އިމިގްރޭޝަނުން ދަނީ ހުއްޓުވަމުން ކަން ފާހަގަ ކޮށްލަންޖެހެއެވެ.