ޚަބަރު
ޕާސްޕޯޓު ނެގުމަށް ރޯދަ މަހު ނަންބަރު ދޫކުރާނީ މެންދުރު 12 ޖަހަންދެން

އިމިގްރޭޝަނުން ޕާސްޕޯޓު ދޫކުރުމުގެ ޚިދުމަތް ދެނީ---
ހުލާސާ
ޕާސްޕޯޓު ނެގުމަށް ނަންބަރު ދޫކުރާނީ ހެނދުނު 9:15 އިން މެންދުރު 12 އަށް
ޕާސްޕޯޓު ނެގުމަށް ރޯދަ މަހު ނަންބަރު ދޫކުރާނީ ހެނދުނު 9:15 އިން މެންދުރު 12 ޖަހަންދެން ކަމަށް މޯލްޑިވްސް އިމިގްރޭޝަނުން ހާމަކޮށްފިއެވެ.
މީގެ އިތުރުން، އިމިގްރޭޝަށް ގޮސް ޕާސްޕޯޓަށް ހުށަހެޅޭނެ ގަޑިއަކީ ވެސް މިއީ ކަމުގައި އިމިގްރޭޝަނުން ވަނީ ބުނެފައެވެ. އެ އިދާރާއަށް ގޮސް ޕާސްޕޯޓަށް އެދެވެނީ، އުމުރުން 65 އަހަރުން މަތީގެ ބޭފުޅުންނާއި، ޙާއްސަ ޙާލަތެއް މެދުވެރިވެގެން ޕާސްޕޯޓުގެ އަވަސް ޚިދުމަތަށް ބޭނުންޖެހިފައިވާ ފަރާތްތަކަށެވެ.
އަދި މިހާރެކޭ އެއްގޮތަށް، އިމުގާ ޕޯޓަލް މެދުވެރިކޮށް 24 ގަޑިއިރު ޕާސްޕޯޓަށް އެދި ހުށަހެޅޭނެކަމަށް ވެސް އިމިގްރޭޝަނުން ހާމަކޮށްފައިވެއެވެ.
ޕާސްޕޯޓު ދޫކުރުމުގައި އިމިގްރޭޝަނުން އަންނަނީ، ކަނޑައަޅާފައިވާ ގަޑީގައި ޓޯކަން ނަގާފައިވާ ހުރިހާ ނަންބަރުތަކަކަށް ، ނަންބަރު ގޮވާ ގަޑިއަށް ހާޟިރުވެވިއްޖެނަމަ އޮފީސް ބަންދުކުރުމުގެ ކުރިން ޚިދުމަތް ދެމުންނެވެ.
1446 ވަނަ އަހަރު ރަމަޟާން މަހުގައި ޚިދުމަތް ދިނުމަށް ހަމަޖެހިފައިވާ ގަޑިތައް. pic.twitter.com/wwpIQhwaHo
— Maldives Immigration (@ImmigrationMV) February 27, 2025
އިމިގްރޭޝަން މާލޭ އޮފީހެކޭ އެއްގޮތަށް، އަތޮޅު ތެރޭގައި ޤާއިމްކޮށްފައިވާ އޮފީސްތަކުން ވެސް ޕާސްޕޯޓު ދޫކުރުމަށް ހަމަޖެހިފައިވަނީ މި ގަޑިތަކުގައެވެ. އަދި ކަނޑައަޅާފައިވާ ވަކި ދުވަސްތަކެއްގައި ޕާސްޕޯޓު ދޫކުރާ އޮފީސްތަކުން، ހަމަ އެ ދުވަސްތަކުގައި ޕާސްޕޯޓުގެ ޚިދުމަތް ލިބޭނެކަމަށް އިމިގްރޭޝަނުން ހާމަކޮށްފައިވެއެވެ.
ޕާސްޕޯޓުގެ ޚިދުމަތް އަތޮޅު ތެރެއިން ދެމުން އަންނަނީ، އައްޑޫ ސިޓީ، ކުޅުދުއްފުށި ސިޓީ، ފުވައްމުލަކު ސިޓީ، ތިނަދޫ ސިޓީ، ހއ. ދިއްދޫ، ލ. ފޮނަދޫ، ދ. ކުޑަހުވަދޫ، ހއ. އިހަވަންދޫ، ރ. އުނގޫފާރު އަދި ށ. ފުނަދޫއިންނެވެ.
އިމިގްރޭޝަނުން ފޯރުކޮށްދޭ ވިސާގެ ޚިދުމަތްތަކަށް ބަލާލާއިރު، ވިސާއަށް އެދި ހުށަހެޅޭނީ އެކްސްޕެޓް ސިސްޓަމް މެދުވެރިކޮށް 9:00 އިން 17:00 އަށެވެ. އަދި ވޯކް ވިސާއަށް އެދި ޕާސްޕޯޓު ހުށަހެޅޭނެ ގަޑިއަކަށް 9:05 އިން 10:45 އަށް ހަމަޖެހިފައިވާއިރު، ވޯކް ވިސާއަށް ހުށަހަޅާ ޕާސްޕޯޓުތައް ދޫކުރާނީ 11:00 އިން 12:30 އަށެވެ.