ރަމަޟާން މަހަށް ހަދިޔާކުރާ ކަދުރާއި ބިރިޔާނީ ބަންދުކުރުމުގައި ރަސްގެފާން ޗާރލްސް ބައިވެރިވެއްޖެ

ލަންޑަނުގައި ހުންނަ އިންޑިއަން ރެސްޓޯރަންޓެއް ކަމުގައިވާ ޑާޖިލިންގ އެކްސްޕްރެސްއަށް ބްރިޓިޝް ރަސްގެފާނު ޗާލްސް ތިންވަނަ އާއި އޭނާގެ އަނބިކަނބަލުން ކުއީން ކެމިލާ ޒިޔާރަތްކޮށް، ރަމަޟާން މަހަށް ތައްޔާރުވުމުގެ މަސައްކަތުގައި ބައިވެރިވެއްޖެއެވެ. މި ރެސްޓޯރަންޓަކީ ބްރިޓިޝް-އިންޑިއަން ޝެފް އަސްމާ ޚާންގެ މިލްކިއްޔާތުގައިވާ ތަނެކެވެ.

Packing dates at Darjeeling Express! 🧑‍🍳

Traditionally, dates are eaten as the first food to break the fast at sunset during Ramadan. Their Majesties helped pack dates that will be sent to local hospitals for Iftaar during the holy month. pic.twitter.com/C6Fi6v9xwg

— The Royal Family (@RoyalFamily) February 26, 2025

ރަސްގެފާން ޗާރލްސް އެތަނުގެ މުވައްޒަފުންނާ ބައްދަލުކޮށް، މުސްލިމް އަންހެނުންގެ ގްރޫޕަކާ ބައްދަލުކުރެއްވިއެވެ. އަދި އެތަނުގެ އަންހެން މުވައްޒަފުންނާއެކު ބިރިޔާނީ ފޮށިތަކާއި ކަދުރު ޕެކޭޖްތައް ތައްޔާރުކުރުމުގައި ބައިވެރިވެވަޑައިގަތެވެ. މި ތަކެއްޗަކީ ހަދިޔާކުރުމަށް ތައްޔާރުކުރެވޭ ތަކެއްޗެވެ.

ރަސްގެފާން ޗާރލްސް މި މަސައްކަތުގައި ބައިވެރިވެވަޑައިގަތް ގޮތް ދައްކުވައިދޭ ވީޑިއޯއެއްގައި، ޗާރލްސް ވަރަށް އަވަހަށް މަސައްކަތް ކުރައްވާ މަންޒަރު ފެނުނެވެ.

ރަސްގެފާނު މިހާ އަވަހަށް މަސައްކަތް ކުރައްވާނެ ކަމަކަށް ނުވިސްނުނު. އަޅުގަނޑަށްވުރެ އަވަހަށް ކަދުރު ޕެކް ކުރައްވާ ޝެފް އަސްމާ ޚާން 

ރަސްގެފާން ޗާރލްސްގެ އާއިލާގެ ފަރާތުން ރަމަޟާން މަހުގެ މުހިންމުކަން ފާހަގަކޮށްފައިވެއެވެ.ރަމަޟާން މަހަކީ މުސްލިމުންނަށް ވަރަށް މުހިންމު މަހެކަމާއި، މި މަހުގައި އާންމު ދިރިއުޅުން ކުރިއަށްދާއިރު، ރޫހާނީ ގޮތުން އިތުރަށް ވަރުގަދަވާ ކަމަށާއި މި ބައްދަލުވުމަކީ މުސްލިމް އަންހެނުންގެ ތަފާތުކަމާއި އުފެއްދުންތެރިކަން ފާހަގަކުރުމުގެ އިތުރުން ރަމަޟާން މަހުގެ ރީތިކަން ފާހަގަކުރުމުގެ ފުރުސަތެެއްކަމަށް ޝާހީ އާއިލާގެ ފަރާތުން ސޯޝަލް މީޑިއާގައި ބުނެފައިވެއެވެ.