މާލޭގައި ފެންބޮޑުވި ސަރަޙައްދުތައް އާންމު ޙާލަތަށް ގެނެވިއްޖެ: އެމްއެންޑީއެފް

ބޯކޮށް ވާރޭވެހުމުގެ ސަބަބުން މާލޭގައި ފެންބޮޑުވި ސަރަޙައްދުތަކުން ފެން ހިއްކައި، އެ ސަރަޙައްދުތައް އާންމު ޙާލަތަށް ގެނެވިފައިވާކަމަށް،ފެން ހިންދުމުގެ މަސައްކަތް ކުރަމުންދިޔަ މޯލްޑިވްސް ނޭޝަނަލް ޑިފެންސް ފޯސް، އެމްއެންޑީއެފްއިން ހާމަކޮށްފިއެވެ.

އެމްއެންޑީއެފްއިން ދިޔައީ ރެއިން ފެށިގެން މާލޭގެ 5 ސަރަޙައްދެއްގައި 13 ފެން ޕަންޕު ބަހައްޓައިގެން ފެން ހިންދުމުގެ މަސައްކަތް ކުރަމުންނެވެ. އެގޮތުން ފެން ބޮޑުވެފައިވާ ސަރަޙައްދުތަކުން ފެން ހިންދާލެވުނުއިރު، 16،911 ޓަނުގެ ފެން ބޭރުކުރެވުނުކަމަށް ވެސް ސިފައިން ވަނީ ހާމަކޮށްފައެވެ.

އަދި މާލޭ ސިޓީގެ ފެންބޮޑުވެފައިވާ ސަރަހައްދުތައް އާންމު ހާލަތަށް ގެނެވިފައިވާތީ، ފެން ހިންދުމުގެ މަސައްކަތް ވަނީ ވަގުތީ ގޮތުން މެދުކަނޑާލާފަ. މި އޮޕަރޭޝަންގައި 16911 ޓަނުގެ ފެންވަނީ ހިންދާފަ.

އެމްއެންޑީއެފްއިން ސޯޝަލް މީޑިއާގައި ޙިއްސާކޮށްފައި ވެއެވެ.

މީގެ އިތުރުން، ފެން ހިންދުމަށް ކުރި މަސައްކަތުގައި މާލޭގެ 131 ގެއަށް އެހީތެރިކަން ފޯރުކޮށްދެވުނުކަމަށް ވެސް ސިފައިން ހާމަކޮށްފައިވެއެވެ. 

މާލޭގެ އިތުރުން، އަތޮޅުތެރޭގެ ގިނަ ރަށްރަށުގައި ވެސް ފެން ހިންދުމަށް ސިފައިން އަންނަނީ ހަރަކާތްތެރިވަމުންނެވެ. އޭގެތެރޭގައި ދ. މީދޫ، ފ. ނިލަންދޫ، ކ. ހުރާ، ކ. ގުރައިދޫ، ކ.ހިންމަފުށި، ކ.ތުލުސްދޫ ކ.މާފުށި، އަދި އދ. މާމިގިލީގައި އަންނަނީ ފެން ހިންދުމުގެ މަސައްކަތް ކުރަމުންނެވެ.