ޚަބަރު
ބޮސްނިއާ އެންޑް ހަރޒެގޯވީނާގެ މިނިވަން ދުވަހުގެ ތަހުނިޔާ ރައީސުލްޖުމްހޫރިއްޔާ ފޮނުއްވައިފި

ބޮސްނިއާ އަދި ދިވެހިރާއްޖޭގެ ދިދަ/ފޮޓޯ: ރައީސް އޮފީސް
ބޮސްނިއާ އެންޑް ހަރޒެގޯވީނާގެ މިނިވަން ދުވަހުގެ ތަހުނިޔާ އެ ޤައުމުގެ ރައްޔިތުންނަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފޮނުއްވައިފި އެވެ.
ރައީސުލްޖުމްހޫރިއްޔާ ވަނީ، ދިވެހި ސަރުކާރާއި ރައްޔިތުންގެ ހެޔޮ އެދުމާއި ތަހުނިޔާ، ބޮސްނިއާ އެންޑް ހަރޒެގޯވީނާގެ ރިޔާސަތުގެ ޗެއަރމަން ހަރ އެކްސެލެންސީ ޒެލްޖްކާ ކްވިޖަނޮވިޗްއާއި، ކައުންސިލް އޮފް މިނިސްޓަރސްގެ ޗެއަރހަަރ އެކްސެލެންސީ ބޮރްޖާނާ ކްރިޝްޓޯއަށް ފޮނުއްވައިފަ އެވެ. މީގެ އިތުރުން، އެމަނިކުފާނު ވަނީ ބޮސްނިއާ އެންޑް ހަރޒެގޯވީނާގެ ސަރުކާރާއި ރައްޔިތުންނަށް ވެސް އެ ޤައުމުގެ މިނިވަން ދުވަހުގެ ތަހުނިޔާ ފޮނުއްވައިފަ އެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ، ބޮސްނިއާ އެންޑް ހަރޒެގޯވީނާގެ ވެރިންނަށް ވަކިވަކީން ތަހުނިޔާ ގެ މެސެޖު ފޮނުއްވައިފަ އެވެ. މި މެސެޖުތަކުގައި ރައީސް ވަނީ، އެބޭފުޅުންނަށް ދުޅަހެޔޮ ޞިއްޙަތާއި އުފާފާގަތިކަމާއި، ބޮސްނިއާ އެންޑް ހަރޒެގޯވީނާގެ ރައްޔިތުންނަށް ކުރިއެރުމާއި ތަނަވަސްކަމަށްވެސް އެދިވަޑައިގެންފައެވެ.
ބޮސްނިއާ އެންޑް ހަރޒެގޯވީނާއިން މިނިވަންކަން އިޢުލާނުކުރީ 1992 ވަނަ އަހަރު އެވެ.