ޚަބަރު
ތޫނު އެއްޗިހިން މާރާމާރީ ހިންގަން އުޅުނު ބަޔަކު ހައްޔަރުކޮށްފި

ކްރިމިނަލް ކޯޓު/ ފޮޓޯ: އެޑިޝަން
ކަތިވަޅިންނާއި އިތުރު ތޫނު އެއްޗެހި ބޭނުންކޮށްގެން މާރާމާރީ ހިންގަން އުޅުނު ބަޔަކު ހައްޔަރުކޮށްފިއެވެ.
ކްރިމިނަލް ކޯޓުން ރޭ ނެރުނު ބަންދު އަމުރުގައިވާ ގޮތުން އެ މައްސަލައިގައި ހަތަރު މީހަކު ހައްޔަރުކުރިއެވެ. އެންމެންގެ މައްޗަށް ވެސް ފުލުހުން ކުރަނީ ތޫނު ހަތިޔާރާއި ނުރައްކާތެރި ހަތިޔާރު ބޭނުންކޮށްގެން މާރާމާރީ ހިންގަން އުޅުމުގެ ކުށެވެ.
މި މައްސަލައިގައި ހައްޔަރުކޮށްފައި ވަނީ، މއ.ރިހިވިލާ / ކ.މާލެ، އަހުމަދު މާނިއު(23އ) އެވެ. މީނާ ވަނީ ކުޑަކުއްޖަކު ލައްވާ މާރާމާރީ ހިންގަން ދެ ކަތިވަޅިވެސް ދީފައެވެ. އެހެންވެ އޭނާ ވަނީ 16 ދުވަހު ކަސްޓޯޑިއަލް ޖަލެއްގައި ބަންދުކުރަން އަމުރު ނެރެފައެވެ.
މީނާގެ އިތުރުން، ފަނޑުނުވާގެ/ ގދ.ގައްދޫ، މުހައްމަދު އަޔާން(18އ.)، ދަފްތަރު ނަންބަރު 2383 /ކ.މާލެ، މުލްހަމް މުޙައްމަދު ރިޔާޒް(18އ.) އާއި ސޯސަންވިލާ/ ގއ.ވިލިނގިލި، ވިކާޝް އަހުމަދު(18އ.) ވެސް ވަނީ މި މައްސަލައިގައި ފުލުހުންގެ ބެލުމުގެ ދަށަށް ގެންގޮސް ހައްޔަރުކޮށްފައެވެ.
މި ދެމީހުންގެ ވެސް ތޫނު އެއްޗިހި ބޭނުންކޮށްގެން މާރާމާރީ ހިންގުމުގެ ރެކޯޑެއް އޮތުމުގެ ސަބަބުން، ދެ މީހުން ވެސް ފަސް ދުވަހަށް ކަސްޓޯޑިއަލް ޖަލެއްގައި ބަންދުކުރަން ވަނީ އަމުރު ނެރެފައެވެ.