ޚަބަރު
އެމްޑަބްލިއުއެސްސީގެ ކަރަންޓާއި ފެންބިލަށް ޑިސްކައުންޓު ދޭނެގޮތް އާންމުކޮށްފި

ހިރިލަންދޫގައި ހުންނަ ފެނަކަ އޮފީސް---
މި ރަމަޟާން މަހު ވެސް ފެން ބިލާއި ކަރަންޓު ބިލުން ޑިސްކައުންޓު ދޭން ނިންމައި، މި ކަމުގައި ޢަމަލުކުރާނެ ގޮތް ފެނަކަ ކޯޕަރޭޝަން ލިމިޓެޑުން ޙިއްސާކޮށްފިއެވެ.
ފެނަކަ ކޯޕަރޭޝަނުން ހާމަކޮށްފައިވާ ގޮތުގައި، އެ ކޯޕަރޭޝަނުން ޑިސްކައުންޓު ދިނުމުގައި ޢަމަލުކުރާނީ 4 ގޮތަކަށެވެ.
އެގޮތުން، މިދިޔަ އަހަރު އެންމެ ހޫނު ގަދަ ކަމަށް ފާހަގަވި ފެބްރުއަރީ މަހާއި މާރިޗު މަސް އަދި އޭޕްރީލް މަހުގެ ބިލު އުނިކުރުމަށްފަހު، ބާކީ ނުވަ މަހުގެ ކަރަންޓާއި ފެން ބިލަށްވާ އެވަރެޖު މިންވަރަށްވުރެ ރޯދަ މަހުގެ ބިލުތަކުން އިތުރުވާ މިންވަރަށް ޑިސްކައުންޓު ދޭން އެ ކޯޕަރޭޝަނުން ވަނީ ނިންމާފައެވެ.
ރޯދަ މަހާއި މިދިޔަ އަހަރުގެ ނުވަ މަހުގެ ބިލުގެ ފަރަގު، ބިލުގެ ދިހަ ޕަސެންޓަށް ވުރެ ކުޑަ ނަމަ، ބިލުން 10 ޕަސެންޓުގެ ޑިސްކައުންޓެއް ލިބޭނެ ކަމަށާއި ރޯދަ މަހާއި ކުރީގެ ބިލުތަކުގެ އެވަރެޖު ކުޑަ ވިޔަސް 10 ޕަސެންޓު ޑިސްކައުންޓަށް ލިބޭނެކަމަށް ފެނަކައިން ބުނެފައިވެއެވެ.
އަދި، ރޯދަމަހު ފެނަކައިގެ ކަރަންޓާއި ފެނުގެ ޚިދުމަތް އަލަށް ހޯދާ ފަރާތްތަކަށް ވެސް 10 ޕަސެޓުގެ ޑިސްކައުންޓެއް ދިނުމަށް ވަނީ ނިންމާފައެވެ.
އެހެންކަމުން، އެހެން މަސްމަހަށް ވުރެން ރޯދަމަހުގެ ބިލު ބޮޑުވެގެން ނުދާނެކަމުގެ ޔަޤީންކަން ފެނަކައިން ވަނީ ދެއްވާފައެވެ.