ޖަޕާނުގައި ފެންބޮޑުވެ ބަޔަކު މަރުވެއްޖެ!

ޖަޕާނުގެ މެދުތެރޭގައި އޮންނަ ނޯޓޯ ޕެނިސުއޭލާ ސަރަހައްދުގައި ބޯކޮށް ވާރޭވެހުމުގެ ސަބަބުން ފެންބޮޑުވެ އެސަރަހައްދުން 6 މީހުން މަރުވެއްޖެއެވެ. 

ފެންބޮޑުވެ ގެއްލުންތަކެއް ލިބުނު ޖަޕާނުގެ މިސަރަހައްދަކީ މީގެ 9މަސްދުވަސް ކުރިން 7.5 މެގްނެޓިޔުޓްގެ ބާރުމިނުގައި އައި ބިންހެލުމެއްގެ އަސަރުކޮށް އެކަމުން އަދި ރަނގަޅަށް އަރައިނުގަނެވި އޮތް ސަރަހައްދެން ކަން ފާހަގަކޮށްލަން ޖެހެއެވެ. 

މި ބިންހެލުމުގެ ސަބަބުން އެސަރަހައްދުގެ ގިނަ ޢިމާރާތްތަކެއް ވެއްޓި ބިމާ ހަމަވެފައިވެއެވެ. އަދި ބައެއް ތަންތަނުގައި ބޮޑެތި އަލިފާނުގެ ހާދިސާތައް ވެސް ވަނީ ހިނގައިފައެވެ. 

ފެންބޮޑުވެ 6 މީހުން މަރުވި މި ހާދިސާގައި 8 މީހަކު ވީނުވީއެއް ނޭނގި ގެއްލިފައިވާކަމަށް އަލް ޖަޒީރާގައި ރިޕޯޓް ކޮށްފައިވެއެވެ. އަދި އޭގެ ތެރޭގައި 16 އަހަރުގެ ކުއްޖަކުވެސް ހިމެނެއެވެ. 

ފެންބޮޑުވުމުގެ މި ހާދިސާގައި، ޖެނުއަރީ މަހު އައި ބިންހެލުމާއި ގުޅިގެން ގެދޮރު ގެއްލުން މީހުން ވަގުތީ ހިޔާގެ ގޮތުގައި ބޭނުންކުރަމުން ދިޔަ ގެތަކަށްވެސް ކޮށްފައިވެއެވެ. 

ބޯކޮށް ވާރޭ ވެހި ފެންބޮޑުވުމުގެ މިހާދީސާއާއި ގުޅިގެން އެސަރަހައްދުގެ ހަތަރުހާހެއްހާ ގެއިން ވަނީ ކަރަންޓު ކެނޑިފައެވެ. އަދި ބިންގަނޑު އެކި ތަންތަނުން ކަނޑައިގެން ދިޔުމުގެ ސަބަބުން ގިނަ މަގުތަކެއް ބަންދުވެ ބައެއް ސަރަހައްދުތަކަށް މުވާޞަލާތީ ގުޅުންތައް ވެސް ވަނީ ކެނޑިފައެވެ. 

ޙާލުގައި ޖެހިފައިތިބި މީހުންނަށް އެހީތެރިކަން ދީ ސަލާމަތްކުރުމަށް ޖަޕާނުގެ މިލިޓަރީގެ ރެސްކިޔު ވޯކަރުންގެ ޓީމުތަކުން އެސަރައްދަށް މިހާރު ވަނީ ފޯރައިފައެވެ.