ދުނިޔެ
ދެއިރް އަލް ބަލަހް އަށް ދިން ހަމަލާއެއްގައި މަންމައަކާއި އެނާގެ 4 ކުދިން ޝަހީދުވެއްޖެ!

ދެއިރް އަލް ބަލަހް ސަރަހައްދަށް ދިން ހަމަލާތަކަށްފަހު އެތަނުގައި ރެސްކިޔުޓީމުން ހަރަކާތްތެރިވަނީ. ފޮޓޯ:ޤުދުސް ނެޓްވޯކް
ފަލަސްޠީނުގެ ދެއިރް އަލް ބަލަހް އަށް އިޒްރާއިލް ސިފައިން ދިން ހަމަލާއެއްގައި ފަލަސްޠީނުގެ މަންމައަކާއި އެނާގެ 4 ކުދިން ޝަހީދުވެއްޖެއެވެ.
މީގެއިތުރުން ދެސަރަހައްދެގައި ފަލަސްޠީނުގެ ރައްޔިތުން ވަގުތީ ހިޔާވަހިކަން ހޯދަމުންދިޔަ ދެސްކޫލަކަށް ދިން ހަމަލާތަކާއި ގުޅިގެން 10 މީހަކު ޝަހީދުވެފައިވާ ކަމަށް އަލްޖަޒީރާގައި ރިޕޯޓް ކޮށްފައިވެއެވެ.
ހަނގުރާމައިގެ ނުރައްކާތެރި ކަން ބޮޑު ދެއިރް އަލް ބަލްހްސަރަހައްދަށް އަމާޒުކޮށް އިޒްރާއިލުން ވަނީ ރޭފަތިހުއްސުރެ ނުރައްކާތެރި ހަމަލާތަކެއް ދީފައެވެ.
މިހަމަލާތައް އަމާޒުވެ މަންމައަކާއި އެނާގެ 4 ދަރިން ޝަހީދުވެފައިވާއިރު އޭނާގެ އަވައްޓެރިން ބުނެފައިވަނީ އެހަމަލާ އެގެއަށް ދިނުމުގެ ކުރިން އިޒްރާއިލް ސިފައިން އިންޒާރެއް ދީފައިނުވާކަމަށެވެ. އަދި އެސަރަހައްދަށް އަމާޒުކޮށް ނުރައްކާތެރި އިތުރު ހަމަލާތައް އަމާޒުކޮށްފާނެ ކަމަށް ލަފާކޮށް ގިނަ ބަޔަކު ވަނީ އެސަރަހައްދު ދޫކޮށް ގޮސްފައެވެ.
ޝަހީދުވެ ވަޅުނުލެވި ހުރި މީހުންގެ ހަށިތައް ރައްކާކޮށްފައިހުރި މޯޗަރީތަކުން ފެންނަ މަންޒަރުތަކަކީ ބަލަން އުނދަގޫ މަންޒަރުތަކެއް ކަމަށާއި، ހަށިތައް ގިނަ މޯޗަރީތަކުގައި ފުނި ޖެހިފައިވާ ކަމަށް އަލްޖަޒީރާގައި ބުނެފައިވެއެވެ.