މެލޭޝިއާއިން ދިވެއްސަކު ގެއްލިގެން ހޯދަނީ

މެލޭޝިއާއިން ދިވެއްސަކު ގެއްލިގެން ހޯދަމުންދާކަމަށް، ދިވެހިރާއްޖޭގެ ހާރިޖީ ވުޒާރާއިން ހާމަކޮށްފިއެވެ.

ގެއްލުނު މީހާ ހޯދުމުގެ މަސައްކަތް މެލޭޝިއާގައި ހުންނަ ރާއްޖޭގެ އެމްބަސީއިން މިހާރު ކުރަމުންދާކަމަށް، ދައުލަތުގެ މީޑިއާ، ޕީއެސްއެމްއާ ވާހަކަ ދައްކަމުން ހާރިޖީ ވުޒާރާއިން މަޢުލޫމާތު ދީފައިވާކަމަށް ވަނީ ހާމަކޮށްފައެވެ. 

މަޢުލޫމާތު ލިބިފައިވާ ގޮތުގައި، މެލޭޝިއާއިން ގެއްލިގެން ހޯދަމުންދަނީ އަޙްމަދު އުސެއިދު އިބްރާހިމް އަފީފް ނަމަކަށް ކިޔާ ޒުވާނެކެވެ.

އޭނާ ގެއްލިފައިވާކަމަށް ބެލެވެނީ، އިއްޔެ މެންދުރު 03:00ގެ ފަހުންނެވެ.