ޚަބަރު
އިސްރާއީލާއި ފަލަސްތީނުގެ ފިލްމު އުފެއްދުންތެރިން ގުޅިގެން ހެދި "ނޯ އަދަރ ލޭންޑް"އަށް އޮސްކާ އެވޯޑެއް
ބާސެލް އާއި ޔުވާލް އޮސްކާ އެވޯޑު ބަލާ ދަނީ/ ފޮޓޯ: ރިއަލިޓީ ބްލާރޑް
އިސްރާއީލުގެ ސިފައިން ފަލަސްޠީނުގައި ހިންގަމުންދާ ނުރައްކާތެރި ޤަތުލުޢާންމުތަކަށް ބިނާކޮށް އުފެއްދި ޑޮކިއުމެންޓަރީ "ނޯ އަދަރ ލޭންޑް" އަށް މި އަހަރުގެ އެންމެ މޮޅު ޑޮކިއުމެންޓަރީގެ އޮސްކާ އެވޯޑު ލިބިއްޖެއެވެ.
މި ފިލްމުގެ ޑައިރެކްޓަރުންގެ ގޮތުގައި މަސައްކަތްކޮށްފައިވާ ފަލަސްޠީނުގެ އެކްޓިވިސްޓް ބާސެލް އަދްރާ އާއި، އިސްރާއީލުގެ ނޫސްވެރިޔާ ޔުވާލް އިބްރާހިމް ވަނީ، އެ ދެމީހުންގެ ވާހަކަތަކުން ފަލަސްޠީނުގައި ހިންގެމުންދާ ޤަތުލުޢާއްމުތައް ހުއްޓުވުމަށް ގޮވާލާފައެވެ.
މި ޑޮކިއުމެންޓަރީއަކީ، ފަލަސްޠީނަށް އިސްރާއީލުގެ ސިފައިން އަރައި، އެ ޤައުމުގައި ހިންގަމުން ގެންދާ ލާއިންސާނީ ޢަމަލުތައް ރެކޯޑުކުރުމަށް ބާސެލް އަދްރާ ކުރި މަސައްކަތުގެ ވާހަކައެވެ. އަދްރާގެ އާދޭސްތަކަށް އެއްވެސް ފަރާތަކުން އިޖާބަ ނުދިން ނަމަވެސް، އިސްރާއީލީ ނޫސްވެރިޔަކާ ގާތްގުޅުމެއް އުފެދުމަށްފަހު ދެން ކަންވީ ގޮތް ފާހަގަކޮށްފައިވެއެވެ.
"އަހަރެން ބައްޕައަކަށް ވީ މީގެ 2 މަހެއްހާ ކުރިން. އަހަރެން އުންމީދުކުރަން އަހަރެންގެ ދަރިފުޅު އަހަރެން މިހާރު އުޅެމުން މިދާ ދިރިއުޅުން އުޅެން ނުޖެހޭނެކަމަށް. އަބަދުވެސް، އައިސްދާނެ ހަނގުރާމައަކަށް، ގެތަށް ލޫޓުވައިލަފާނެކަމަށް، ގަދަކަމުން ދިރިއުޅުން އެހެން ސަރަހައްދުތަކަށް ބަދަލުކުރުވައި ފާނެ ކަމަށް ބިރުން އުޅެން އެކުއްޖާގެ ދިރިއުޅުން ވޭތުކުރަން ނުޖެހޭނެކަމަށް." ފަލަސްޠީނުގެ ބާސެލް އަދްރާ ވިދާޅުވެފައިވެއެވެ.
Watch the moment No Other Land, a film about Palestinians fighting to protect their homes from demolition by Israel’s military, won the Oscar for best documentary. pic.twitter.com/QuzGyfhAK4
— Al Jazeera English (@AJEnglish) March 3, 2025
"މި ފިލްމު ހެދީ، އަހަރެމެން އިސްރާއިލުގެ ރައްޔިތުންނާއި ފަލަސްޠީނުގެ ރައްޔިތުން ގުޅިގެން، އެއީ އެކުގައި މަސައްކަތްކުރުމުން، އަހަރެމެންގެ އަޑުތައް ބާރުވާނެތީ. އަހަރެމެން ދޭން މިއުޅޭ މެސެޖު ސާފުކޮށް ފެންނާނެތީ. ބަސެލްއަށް ބަލައިލުމުން އަހަންނަށް ފެންނަނީ އަހަރެންގެ އަޚެއް. އެކަމަކު، އަހަރެމެން ދިރިއުޅެނީ އެއް ހަމައެއްގައެއް ނޫން. އަހަރެން މަދަނީ ދިރިއުޅުމެއް އުޅެމުން ދާއިރު، ބާސެލް ދިރިއުޅެނީ ފުލުހުންގެ ބާރުގެ ދަށުގަ. އޭނާގެ ދިރިއުޅުމުގެ މައްޗަށް އޭނާއަކަށް އެއްވެސް ކޮންޓްރޯލެއް ނެތް." އިސްރާއިލީ ނޫސްވެރިޔާ ޔުވާލް އިބްރާހިމް ވިދާޅުވެފައިވެއެވެ.
