އެޗްޑީސީގެ ޗެއާރމަންގެ މަގާމުން ނާސިފް ވަކިކޮށް، ވެމްކޯގެ ޗެއާރމަންގެ މަގާމަށް އައްޔަންކޮށްފި

ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑްގެ ޗެއަރމަން ކަމުގެ މަޤާމުގައި ހުންނެވި ސ. ހުޅުދޫ، ރިވަރސައިޑް އަޙްމަދު ނާޞިފް، އެ މަޤާމުން ވަކިކޮށް ވޭސްޓް މެނޭޖްމަންޓް ކޯޕަރޭޝަން ލިމިޓެޑްގެ ޗެއަރމަންކަމުގެ މަޤާމަށް މިއަދު އައްޔަނުކޮށްފިއެވެ.

ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑްގެ ޗެއަރމަން ކަމުގެ މަޤާމުގައި ހުންނެވި ސ. ހުޅުދޫ، ރިވަރސައިޑް އަލްފާޟިލް އަޙްމަދު ނާޞިފް، އެ މަޤާމުން ވަކިކޮށް ވޭސްޓް މެނޭޖްމަންޓް ކޯޕަރޭޝަން ލިމިޓެޑްގެ ޗެއަރމަން ކަމުގެ މަޤާމަށް މިއަދު ވަނީ އައްޔަނުކޮށްފައެވެ.

— Privatization & Corporatization Board (@pcb_gov) March 4, 2025

މިކަން އިޢުލާންކުރަށްވާ ޕީބީސީއިން ވަނީ މިއަދު "އެކްސް"ގައި ޕޯސްޓެއް ކުރަށްވާފައެވެ. 

ރައީސް ޑރ. މުޙައްމަދު މުޢިއްޒު ވެރިކަމުގައި އަޙްމަދު ނާސިފް އެންމެ ފުރަތަމަ ފުރުއްވާފައި ވަނީ ރީޖަނަލް އެއާޕޯޓްސް ކޮމްޕެނީ ލިމިޓެޑްގެ ޗެއާމަންގެ މަޤާމެވެ. އެ ފަހުން މިދިޔަ ނޮވެމްބަރ މަހުގެ ތެރޭގައި އޭނާ ވަނީ، އެޗްޑީސީގެ ޗެއާމަންގެ މަގާމަށް އައްޔަންކޮށްފައެވެ. 

ރައީސް އަބްދުالله ޔާމީންގެ ވެރިކަމުގައި ނާސިފް ވަނީ އެޗްޑީސީގެ މެނޭޖިން ޑިރެކްޓަރުކަމުގެ މަޤާމު ވެސް ފުރުއްވާފައެވެ. މީގެއިތުރުން ތިލަފުށި ކޯޕަރޭޝަން ލިމިޓެޑް (ޓީސީއެލް) އާއި ގްރޭޓާ މާލެ އިންޑަސްޓްރިއަލް ޒޯން ލިމިޓެޑް ކުންފުނީގެ މެނޭޖިން ޑިރެކްޓަރުކަން  ވެސް، އެ ދައުރުގައި ނާސިފް އަދާކުރަށްވާފައިވެއެވެ.