ކުޅިވަރު

ސައުދީއިން ބޭނުން ވިޔަސް ވިނީސިއަސް ބޭނުންވަނީ ރެއާލްގައި މަޑުކުރަން

ސައުދީއިން ބޭނުން ވިޔަސް ވިނީސިއަސް ބޭނުންވަނީ ރެއާލްގައި މަޑުކުރަން

ނޫސްވެރިންގެ ބައްދަލުވުމުގައި ވިނީސިއަސް ޖޫނިއަރ، ފޮޓޯ: ގެޓީ އިމޭޖަސް

މިފްތާޙް މުޙައްމަދު

މިފްތާޙް މުޙައްމަދު

04 މާރިޗު 2025، 11:26

04 މާރިޗު 2025، 11:26

ހުލާސާ

ވިނީސިއަސް ބުނީ، ބެލަން ޑިއޯ އެވޯޑު ހަލްފާ ބޮއިކޮޓްކުރި ރެއާލުން ބުނެގެން ކަމަށް.

ސައުދީ އަރަބިއްޔާގެ ޓީމުތަކުން ބޮޑެތި ހުށަހެޅުންތައް ލިބުނު ނަމަވެސް، ބްރެޒިލްގެ ހުނަރުވެރި ކުޅުންތެރިޔާ ވިނީސިއަސް ޖޫނިއަރ ބޭނުންވަނީ ރެއާލް މެޑްރިޑުގައި މަޑުކުރަންކަމަށް އޭނާ ބުނެފިއެވެ.

ޗެމްޕިއަންސް ލީގުގެ ގަދަ-16ގައި މިރޭ މެޑްރިޑަށް ނިސްބަތްވާ ދެ ކްލަބުގެ ކުރިމަތިލުމުގެ ކުރިން އޮތް ނޫސްވެރިންގެ ބައްދަލުވުމުގައި ވާހަކަ ދައްކަމުން ވިނީސިއަސް ބުނީ، މެޑްރިޑުގައި އޭނާ ހޭދަކުރަމުންދަނީ އޭނާގެ "ހުވަފެނީ ދުނިޔޭގެ ދުވަސްތައް" ކަމަށާއި، އެހެންކަމުން އޭނާ ބޭނުންވަނީ އެ ކްލަބާއެކު ހަދާފައިވާ އެގްރީމެންޓުގެ މުއްދަތު އިތުރުކުރަން ކަމަށެވެ.

އުމުރުން 24 އަހަރުގެ ވިނީސިއަސް މިކަން ހާމަކުރިއިރު، އޭނާގެ ކޮންޓްރެކްޓު ހަމަވުމުގެ ކުރިން ސައުދީ ޕްރޯ-ލީގަށް ބަދަލުވެދާނެކަމުގެ އަޑުތަކެއް އޮތީ މީޑިއާގައި ފެތުރިފައެވެ. 

މި މަޢުޟޫއާ ގުޅިގެން ވިނީސިއަށް އިތުރަށް ބުނީ، އޭނާ ރެއާލްގައި ކުޅެމުންދަނީ ދުނިޔޭގަ ތިބި އެންމެ މޮޅެތި ކުޅުންތެރިންނާ އެކީގައި ކަމަށާއި، އަދި ކޯޗާއި، ކްލަބުގެ ރައީސާއި، ސަޕޯޓަރުންނަކީ ވެސް އެއްވަނަ ކަމަށާއި، ވަކި މިހާރަށް ވުރެ ރަގަޅު މާހައުލެއް އެހެން ކްލަބަކަށް ހޯދައިނުދެވޭނެ ކަމަށެވެ. 

ނޫސްވެރިންގެ ބައްދަލުވުމުގައި ވިނީސިއަސްއާ ކުރިމަތި ކުރުވި އެހެން ސުވާލަކަށް ޖަވާބުދެމުން އޭނާ ބުނީ، ބެލަން ޑިއޯ ހަފްލާއަށް އޭނާ ނުދިޔައީ ކްލަބުން ބުނުމުން ކަމަށެވެ. އަދި އެއީ އޭނާ ކުރިން ބޭނުންވި އެވޯޑެއް ނޫން ކަމަށާއި، ނަމަވެސް އެ އެވޯޑާ އެހާ ކައިރިއަށް އާދެވުމުން، އެކަން ހާސިލްކުރަން ބޭނުންވީކަމަށް އޭނާ ބުންޏެވެ. އަދި މިހާރު އޭނާ އިންތިޒާރު ކުރަމުންދަނީ އެކަން ހާސިލްކުރެވޭނެ ދުވަހަކަށް ކަމަށް ވެސް ވަނީ ބުނެފައެވެ.

ވިނީސިއަން މެޑްރިޑަށް ބަދަލުވެފައިވަނީ 2018 ވަނަ އަހަރު ބްރެޒިލްގެ ފްލެމިންގޯއިންނެވެ. އޭގެ ފަހުން އޭނާ ވަނީ ތިންފަހަރަށް ލީގު ކާމިޔާބުކޮށް، ދެ ފަހަރު ޗެމްޕިއަންސް ލީގުގެ ތަށި އުފުލާލާފައެވެ.

އަދި މިރޭ ޗެމްޕިއަންސް ލީގުގައި ރެއާލްއާ ވާދަވެރި އެތުލެޓިކޯއާ ދެކޮޅަށް ނިކުންނައިރު، މިހާތަނަށް އޭނާ ކުޅެފައިވާ 300 މެޗުން 102 ގޯލު ވަނީ މެޑްރިޑަށް ކާމިޔާބުކޮށްދީފައެވެ.

މި ލިޔުން ކިޔާލުމުން

Ads by MSS