ޓްރީ ޓޮޕް ހޮސްޕިޓަލުގެ އަހަރީ ދުވަހާއި ގުޅިގެން ޚާއްސަ ޑިސްކައުންޓްތަކެއް

ޓްރީޓޮޕް ހޮސްޕިޓަލުގެ އަހަރީ ދުވަސް ފާހަގަކުރުމަށް ޚާއްސަ ޑިސްކައުންޓުތަކެއް ކަސްޓަމަރުންނަށް ހުޅުވައިލައްވައިފިއެވެ. 2018 ވަނަ އަހަރުގެ މާޗް 1 ވަނަ ދުވަހު ޚިދުމަތް ފެށި ޓްރީ ޓޮޕް ހޮސްޕިޓަލަކީ ދިވެހިރާއްޖޭގެ ޞިއްޙީ ޚިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލްއެކެވެ.

މި ހޮސްޕިޓަލުގެ މައިގަނޑު އަމާޒަކީ އައު އުސޫލުތަކާއި ޚިދުމަތްތައް ތަޢާރަފުކޮށް، ދިވެހި ރައްޔިތުން ބޭރު ޤައުމުތަކަށް ޞިއްޙީ ފަރުވާ ހޯދަން ދާންޖެހޭ ސަބަބު މަދުކުރުމާއި، ޞިއްޙީ ޚިދުމަތުގެ ޚަރަދުތައް ކުޑަކުރުމެވެ. 

210 އެނދުގެ ކެޕޭސިޓީއާއެކު ހިދުމަތްދޭ މި ހޮސްޕިޓަލުގައި 30 އަށްވުރެ ގިނަ ސްޕެޝަލިސްޓް ދާއިރާތަކުގެ ތަޖުރިބާކާރު ޑޮކްޓަރުންގެ ޓީމެއް މަސައްކަތްކުރެއެވެ. މީގެ އިތުރުން އައި.ސީ.ޔޫ، ކެތް ލެބް، އެން.އައި.ސީ.ޔޫ، އެޗް.ޑީ.ޔޫ، ފާޓިލިޓީ ސެންޓަރ، ޑަޔަލިސިސް އަދި ކީމޯތެރަޕީގެ ޚިދުމަތްވެސް މި ހޮސްޕިޓަލުން ފޯރުކޮށްދެއެވެ.

އަހަރީ ދުވަހުގެ ޑިސްކައުންޓްތައް:

7  ވަނަ އަހަރީ ދުވަހާ ގުޅިގެން މާޗު 1 އިން 7 އަށް:

•  ސީޓީ ސްކޭން އަދި އެމް.އާރް.އައި ޚިދުމަތުން %15 ޑިސްކައުންޓް
• ބޯން މިނަރަލް ޑެންސިޓީ ޓެސްޓްތަކުން %10 ޑިސްކައުންޓް

މާޗު 8 އިން 14 އަށް:

• ހަންގަނޑު ތާޒާ ކުރުން ނުވަތަ ސްކިން ރިޖޫވިނޭޝަން ޚިދުމަތުން %20 ގެ ޑިސްކައުންޓް
• އެކްނީ ސްކަރ ޓްރީޓްމަންޓް ނުވަތަ އޮށާޅަ ލަކުނު ފިލުވުމުގެ ޚިދުމަތުން %20 ޑިސްކައުންޓް
• ޓެޓޫ ފިލުވުމުގެ ޚިދުމަތްތަކުން %20 ޑިސްކައުންޓް

މާޗު 15 އިން 31 އަށް:

•  ސްކޭލިންގ ނުވަތަ ދަތް ސާފުކުރުމުގެ ޚިދުމަތުން %15 ޑިސްކައުންޓް
• ބްލީޗިންގ ނުވަތަ ދަތް ހުދުކުރުމުގެ ޚިދުމަތުން %15 ޑިސްކައުންޓް
• ފިޝާ ސީލަންޓް ނުވަތަ ފުޓުނި އެޅުމުގެ ޚިދުމަތުން %15 ޑިސްކައުންޓް

އިތުރު މަޢުލޫމާތު ހޯދުމަށް 3351630 އަށް ގުޅުއްވާ ނުވަތަ[email protected]  އަށް އީމެއިލް ކުރެއްވުމަށް އެހޮސްޕިޓަލުން އެދެއެވެ.