ދުނިޔެ

ސްނޯގަނޑުގެތެރޭގައި ތާށިވި 46 މަސައްކަތްތެރިން ސަލާމަތްކޮށްފި

ސްނޯގަނޑުގެތެރޭގައި ތާށިވި 46 މަސައްކަތްތެރިން ސަލާމަތްކޮށްފި

ސްނޯގަނޑުގެތެރޭގައި ތާށިވި 46 މަސައްކަތްތެރިން ސަލާމަތްކުރުން ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

04 މާރިޗު 2025، 12:55

04 މާރިޗު 2025، 12:55

އުއްތަރާކަންދު ސްޓޭޓުގެ މަނާގައި މަގެއް އެޅުމުގެ މަސައްކަތް ކުރަމުންދަނިކޮށް، ހިމާލަޔާގެ ބޮޑު ސްނޯ ގަނޑުފެންގަނޑެއް ވެއްޓި، މަސައްކަތްތެރިން ތިބި ދަގަނޑު ކޮންޓެއިނަރުތަކެއްގެ ތެރޭގައި 36 ގަޑިއިރަށްވުރެ ގިނަ ވަގުތު ބަންދުވެފައިވާ 46 މަސައްކަތްތެރިން  ސަލާމަތްކޮށްފިއެވެ. މި ހާދިސާގައި 8 މަސައްކަތްތެރިން މަރުވެފައިވާކަމަށް އިންޑިއާގެ އިސް ފަރާތްތަކުން މަޢުލޫމާތު ދީފައިވެއެވެ.

މި ހާދިސާ ހިނގާފައިވަނީ ފާއިތުވި ހުކުރު ދުވަހު، މޫސުން ގޯސްވެ، ބޮޑަށް ސްނޯ ވެހެން ފެށުމާ ގުޅިގެންނެވެ. މަސައްކަތްތެރިން އާންމުކޮށް ޓެންޓު ޖަހައިގެން ތިބި ނަމަވެސް، މޫސުން ގޯސްވުމާ ގުޅިގެން މެޓަލް ކޮންޓެއިނަރުތަކެއްގައި ވަގުތީ ގޮތުން މަޑުކުރަން ނިންމާފައިވާކަމަށް އުއްތަރާކަންދު ސްޓޭޓުގެ ދިފާޢީ ޑެޕިއުޓީ ސްޕޯކްސްޕަރސަން ލެފްޓިނަންޓް ކާނަލް މަނިޝް ސްރީވަސްތަވާ ވިދާޅުވިއެވެ. އަދި މި ނިންމުމަކީ ގިނަ ބައެއްގެ ފުރާނަ ސަލާމަތްވުމަށް މަގުފަހިވި ނިންމުމެއް ކަމަށްވެސް އޭނާ ވިދާޅުވިއެވެ.

އިންޑިއަން އާމީއިން މި ސަރަޙައްދުގައި މީހުން ސަލާމަތް ކުރުމަށް ބޮޑު  އޮޕަރޭޝަނެއް ހިންގާފައިވެއެވެ. އަދި އިންޑޯ-ޓިބެޓަން ބޯޑަރ ޕޮލިސްއާއި އިންޑިއަން އާމީގެ އެހީތެރިކަމާއެކު މަސައްކަތްތެރިން ސަލާމަތްކުރެވިފައިވެއެވެ. ސަލާމަތްކުރެވުނު މަސައްކަތްތެރިންގެ ތެރޭގައި ގިނައީ އެހެން ސަރަޙައްދުތަކުން އައިސް މަސައްކަތްކުރާ މީހުންކަމަށް ލޯކަލް އޮތޯރިޓީތަކުން ބުނެފައިވެއެވެ.

ހިމާލަޔާގައި މިފަދަ ހާދިސާތައް އާންމުކޮށް ހިނގާކަމަށާއި، މޫސުމަށް އަންނަ ބަދަލުތަކާ ގުޅިގެން މިފަދަ ހާދިސާތައް އިތުރުވަމުންދާކަމަށް ތަޖުރިބާކާރުން ވިދާޅުވެއެވެ. އަދި މިކަމުގެ ސަބަބުން ހިމާލަޔާގެ ފަރުބަދަ ސަރަޙައްދުތަކުގައި ދިރިއުޅޭ  މީހުންނަށް ނުރައްކާވަމުންދާކަމަށްވެސް ބުނެފައިވެއެވެ.
                    

މި ލިޔުން ކިޔާލުމުން

Ads by MSS