އެމްއެސްއެސްގެ ދަތުރުތައް އިންޑޮނޭޝިޔާއަށް ފަށަނީ!

މޯލްޑިވްސް ސްޓޭޓް ޝިޕިން (އެމްއެސްއެސް)ގެ ދަތުރުތައް އިންޑޮނޭޝިއާއަށް ފަށަން ތައްޔާރު ވެފައިވާ ކަމަށް އެކުންފުނިން ބުނެފިއެވެ. 

އެމްއެސްއެސްއިން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ، މި ދަތުރުތައް ކުރާނީ އިންޑޮނޭޝިއާގެ ބެލަވަންއިން މެލޭޝިއާގެ ޕޯޓް ކިލާންގް އަދި ސްރީލަންކާގެ ކޮލޮމްބޯއަށް ކަމަށެވެ.

އެމްއެސްއެސްއިން މިހާރު ދަތުރުކުރަމުން ދަނީ މެލޭޝިއާއިން ކޮލަމްބޯއަށް އަދި ކޮލޮމްބޯއިން މާލެއަށް އަދި ދުބާއީން މާލެއަށެވެ.

We are excited to announce the addition of Belawan to our Southeast Asia feeder service. This new regular service will follow the port rotation: Colombo - Belawan - Port Klang - Colombo. pic.twitter.com/WHS9iqCJy0

— Maldives State Shipping (MSS) (@stateshippingmv) September 23, 2024

މި ދަތުރުތަކުގައި ބޭނުންކުރަނީ އެމްއެސްއެސްގެ އަމިއްލަ ބޯޓެވެ. އެއީ އެމްއެސްއެސް ގްރެފީންއެވެ. އެމްއެސްއެސްއިން މެލޭޝިއާ އަށް ދަތުރުތައް ފަށައިފައިވަނީ މިދިޔަ ޖުލައިމަހުގެ ތެރޭގައެވެ.

މުދާތައް ކޮލޮމްބޯއަށް ގެނައުމަށްފަހު ކޮލޮމްބޯއިން މާލެ ދަތުރުކުރާ ބޯޓުތަކުގައި ރާއްޖެއަށް ފަސޭހަކަމާއެކު މުދާ ގެނެވޭނެ ކަމަށް އެ ކުންފުނިން ބުނެފައިވެއެވެ. މި ރޫޓަށް ބޮޑު ތަރުޙީބެއް އެބައޮތްކަން ފާހަގަކޮށް އެ ކުންފުނީގެ ޗީފް ކޮމާޝިއަލް އޮފިސަރ ތަހާ މުޙައްމަދު ދަޢުލަތުގެ މީޑިއާ އާ ވާހަކަދައްކަވަމުން ބުނެފައިވަނީ، މިހާރުވެސް ފުރަތަމަ ދަތުރުގެ %70 ފުރިފައިވާކަމަށެވެ.

އެމްއެސްއެސްގެ ފްލީޓުގައި ފަސް ބޯޓެއް އޮވެއެވެ. އެ ކުންފުނިން މާލެ އިން އައްޑޫ ސިޓީއަށްވެސް ޝެޑިއުލްކޮށް ދަތުރުތައް ކުރެއެވެ.