ގިނައިރު އިށީނދެގެން ވަޒީފާއެއް އަދާކުރާނަމަ، ހިތުގެ ބަލީގެ ނުރައްކާ އިތުރުވޭ

އަދާކުރަނީ އިށީނދެގެން އިނދެ މަސައްކަތް ކުރާ ވަޒީފާއެއްތަ؟ އެހެންނަމަ،  ކަންބޮޑުވާން ޖެހޭނެއެވެ. އެއީ އެކަމުގެ ސަބަބުން އަޅުގަނޑުމެންގެ ހަށިގަނޑަށް އިތުރު ބަރުދަން އަންނާނެތީއެވެ. މިހެން ބުނަނީ ދިރާސާކުރާ ފަރާތްތަކުންނެވެ.

އައު ދިރާސާއަކުން ދައްކާގޮތުގައި، އުމުރުން 41 އަހަރު ވެފައިވާ މީހުންގެ ތެރެއިން ހަށިގަނޑު ބަރުދަން އިތުރު މުވައްޒަފުން ގިނައިން ސަލާމް ބުނަންޖެހުމާއި އަދި ކުރިއަށް އޮތް 10 އަހަރުގެ ތެރޭގައި ފުރާނައަށް ނުރައްކާތެރި ހިތުގެ ބައްޔެއް ޖެހުމުގެ ފުރުސަތު ބޮޑެވެ. މުޅި ދުވަހު މޭޒުދޮށުގައި އިށީނދެ އިނުމަކީ ސިއްހަތަށް ގެއްލުން ހުރި ކަމެކެވެ. އަދި ތަޖުރިބާކާރުން ލަފާދެނީ  ކޮންމެ ގަޑިއިރަކު 15 މިނިޓުގެ ހުސްވަގުތުކޮޅެއް ނެގުމަށެވެ.

ދިރާސާކުރާ ފަރާތްތަކުން މި ދިރާސާ ހުށަހަޅާފައިވަނީ ސްޕެއިންގައި ބޭއްވުނު ޔޫރޯޕްރިވެންޓް 2017.1 ގެ ބައްދަލުވުމެއްގައެވެ.ޒުވާން އަދި ދުޅަހެޔޮ ކަމަށް ބެލެވޭ މަސައްކަތްތެރިންގެ ތެރޭގައި ދުންފަތުގެ އިސްތިއުމާލު ކުރުމާއި، ލޭގެ ޕްރެޝަރ މައްޗަށް ދިއުމާއި، ނުވަތަ ލޭގައި ކޮލެސްޓްރޯލް މައްޗަށް ދިއުން ފަދަ ހިތުގެ ބަލިތަކަށް މަގުފަހިވާ ކަންތައްތައް ގިނަ ކަމަށް ފާހަގަކޮށްފައިވެއެވެ. މި ދިރާސާގައި ބައިވެރިވި ފަރާތްތައް މެޓަބޮލިކަލީ ދުޅަހެޔޮނޫންކަމަށް ކަނޑައަޅާފައިވަނީ އަންނަނިވި ކަންތައްތަކުގެ ތެރެއިން 3 ނުވަތަ އެއަށްވުރެ ގިނަ ކަންތައް ފެންނަ ނަމައެވެ.

އެއީ:

އުނަގަނޑުގެ ވަށަމިން ބޮޑުވުން؛

ޓްރައިގްލިސެރައިޑްސް މަތިވުން ނުވަތަ ލޭގައި ލިޕިޑްސް މަތިވުމުގެ ސަބަބުން ފަރުވާ ހޯދަމުންދިއުން؛

 އެޗްޑީއެލް (ހައި-ޑެންސިޓީ ލައިޕޯޕްރޮޓީން) ކޮލެސްޓްރޯލް ދަށްވުން؛

ލޭގެ ޕްރެޝަރ މަތިވުން ނުވަތަ ކުރިން ލޭގެ ޕްރެޝަރ މަތިވެފައިވާކަމަށް ބަލިދެނެގަނެވިފައިވުން ނުވަތަ ލޭގެ ޕްރެޝަރ މަތިވުމުގެ ސަބަބުން ފަރުވާ ހޯދަމުންދިއުން؛

 ނުވަތަ ކާއެއްޗެހި ނުކައި ހުންނައިރު ލޭގައި ހުންނަ ހަކުރުގެ މިންވަރު މަތިވުން ނުވަތަ ހަކުރު ބަލީގެ ސަބަބުން ފަރުވާ ހޯދަމުންދިއުމެވެ.

ދިރާސާގެ ނަތީޖާއިން ދައްކާ ގޮތުގައި ބައިވެރިންގެ ތެރެއިން %38 މީހުންނަކީ ހަށިގަނޑުގެ ބަރުދަން އިތުރުވެފައިވާ މީހުންނެވެ. %16 މީހުންނަކީ ހަށިގަނޑުގެ ބަރުދަން އިތުރު މީހުންނެވެ. އަދި %10 މީހުންނަކީ މެޓަބޮލިކަލީ އަންހެލްދީ ފެނޯޓައިޕް ހުރި މީހުންނެވެ. ދިރާސާއިން ދައްކާގޮތުގައި މެޓަބޮލިކަލީ ހެލްދީ އަދި އަންހެލްދީ މުވައްޒަފުންގެ ތެރެއިން ހަށިގަނޑުގެ ބަރުދަން އިތުރުވެފައިވާ އަދި ހަށިގަނޑުގެ ބަރުދަން އިތުރު މީހުން، މަސައްކަތާ ގުޅުމެއް ނެތް ބަލިތަކުގެ ސަބަބުން ސަލާމް ބުނާ މިންވަރު އިތުރުވެއެވެ.