ދުނިޔެ

ޔުގެންޑާގެ އިބޯލާ ހާލަތާ ގުޅިގެން އދ. އިން 11.2 މިލިއަން ޑޮލަރުގެ ކުއްލި އެހީއަކަށް ގޮވާލައިފި

ޔުގެންޑާގެ އިބޯލާ ހާލަތާ ގުޅިގެން އދ. އިން 11.2 މިލިއަން ޑޮލަރުގެ ކުއްލި އެހީއަކަށް ގޮވާލައިފި

ޔުގެންޑާގައި އިބޯލާ އަށް ވެކްސިން ދިނުން ފޮޓޯ: އިންޓަނެޓް

އާމިނަތު ޔުމްނާ

އާމިނަތު ޔުމްނާ

05 މާރިޗު 2025، 11:47

05 މާރިޗު 2025، 11:47

ޔުގެންޑާގެ ވެރިރަށް ކަމްޕާލާގައި ފެތުރެމުންދާ އިބޯލާ ބަލިމަޑުކަމާ ގުޅިގެން، އެގައުމަށް އެހީތެރިވުމަށް 11.2 މިލިއަން ޑޮލަރު ހޯދުމަށް އދ. އިން ކުއްލި ގޮވާލުމެއް ގޮވާލައިފިއެވެ. މިގޮވާލުން ގޮވާލަން ޖެހުނީ އެމެރިކާއިން ބޭރު އެހީ ކުޑަކުރުމާ ގުޅިގެން ޔުގެންޑާގެ ސިއްހީ ބަޖެޓަށް ކުރިމަތިވެފައިވާ ދަތިތަކާ ހުރެއެވެ.

ޔުގެންޑާގެ ހަމައެކަނި ގައުމީ ރިފަރަލް ހޮސްޕިޓަލުގައި މަސައްކަތްކުރި ފިރިހެން ނަރުހެއް ނިޔާވުމާ ގުޅިގެން، މި އަހަރުގެ ޖަނަވަރީ މަހު އިބޯލާ ބަލި ފެތުރެމުންދާކަން އެގައުމުން ވަނީ އިއުލާނުކޮށްފައެވެ. ވޯލްޑް ހެލްތް އޯގަނައިޒޭޝަން (ޑަބްލިއުއެޗްއޯ) އިން ބުނާ ގޮތުގައި ފާއިތުވި ހަފްތާގައި 4 އަހަރުގެ ކުއްޖަކުވެސް މިބަލީގެ ޝިކާރައަކަށްވެ ނިޔާވެފައިވެއެވެ.

މިހާތަނަށް ޔުގެންޑާގައި ފެނިފައިވާ 10 ކޭސްއަކީވެސް އިބޯލާގެ ސޫޑާން ސްޓްރެއިންއާ ގުޅުންހުރި ކޭސްތަކެކެވެ. މި ސްޓްރެއިންއަށް އަދި ވެކްސިނެއް ތައްޔާރުކުރެވިފައެއް ނުވެއެވެ.

އދ. އިން އަންގާރަ ދުވަހު ނެރުނު ބަޔާނެއްގައި ބުނެފައިވާ ގޮތުގައި، މި އެހީގެ ފައިސާއިން މާރޗް މަހުން މޭ މަހާ ހަމައަށް ރިސްކް ބޮޑު 7 ސަރަހައްދެއްގައި އިބޯލާއާ ދެކޮޅަށް ކުރެވޭ މަސައްކަތްތަކަށް ހޭދަކުރެވޭނެއެވެ.

"އަޅުގަނޑުމެންގެ މަޤްސަދަކީ ވީހާވެސް އަވަހަކަށް މި ބަލިމަޑުކަން ކޮންޓްރޯލްކޮށް، މީގެ ސަބަބުން އާންމު ސިއްހަތަށާއި އަދި އޭގެ ޝިކާރައަކަށްވާ މީހުންގެ އިޖްތިމާއީ-އިޤްތިސާދީ ދިރިއުޅުމަށް ކުރާ އަސަރު ކުޑަކުރުން،" ޑަބްލިއުއެޗްއޯގެ ޔުގެންޑާ ރެޕްރެޒެންޓެޓިވް ކަސޮންޑޭ މްވިންގާ ވިދާޅުވިއެވެ.

ޔުގެންޑާގެ ސިއްހީ ދާއިރާއަށް އެމެރިކާއިން ބޮޑު އެހީތެރިކަމެއް ދެމުން އައި ނަމަވެސް، ޓްރަމްޕް އިދާރާއިން އެހީ ހުއްޓާލުމަށްފަހު ޔުގެންޑާގެ ސިއްހީ ދާއިރާއަށް ދޭ އެހީ ވަނީ ބޮޑުތަން ކުޑަކޮށްފައެވެ. 2022-2023 ގައި ފެތުރުނު އިބޯލާ ބަލިމަޑުކަމުގައި އެމެރިކާއިން 34 މިލިއަން ޑޮލަރުގެ އެހީތެރިކަން ފޯރުކޮށްދީފައިވާކަން އެމެރިކާ އެމްބަސީގެ ރިޕޯޓެއްގައި ފާހަގަކޮށްފައިވެއެވެ.
                    

މި ލިޔުން ކިޔާލުމުން

Ads by MSS