ރޮހިންޔާ މުސްލިމުންގެ ހައްގުގައި ހުށަހަޅައިފައިވާ މައްސަލައަށް ރާއްޖޭން ބަޔާން ދީފި

އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އަށް މިޔަންމާގެ ރޮހިންޔާ މުސްލިމުންގެ ހައްގުގައި ހުށަހަޅައިފައިވާ މައްސަލައިގައި ރާއްޖެއިން ތަދައްހުލްވެ، ލިޔުން ހުށަހަޅައިފިއެވެ.

މިޔަންމާގައި ދިރިއުޅޭ ރޮހިންޔާ މުސްލިމުންނާ ދެކޮޅަށް ހިންގާ ލާއިންސާނީ އަމަލުތަކާ ގުޅިގެން އެ ގައުމާ ދެކޮޅަށް އައިޖީސީޖޭއަށް މައްސަލަ ހުށަހެޅީ ގެންބިއާ އިސްވެ އޮވެ 11 ނޮވެންބަރު 2019 ގައެވެ. އެ މައްސަލައިގެ ތެރެއަށް ވަނުމުގެ ފުރުސަތު ރާއްޖެއިން އެދިގެން ލިބުނީ މިދިޔަ ޖުލައި މަހުގެ ތިން ވަނަ ދުވަހުއެވެ.

މި މައްސަލައަށް ތަދައްހުލުވާ ފަރާތެއްގެ ދައުރާ އެއްގޮތްވާ ގޮތުގެ މަތީން، ދިވެހިރާއްޖޭގެ އޮބްޒަވޭޝަންގައި އަލިއަޅުވާލާފައިވާނީ ގަތުލު އާއްމުގެ ކުށް ހުއްޓުވުމާއި އަދަބު ދިނުމާގުޅޭ މުއާހަދާގެ މާއްދާތަކުގެ މާނަކުރުމަށް. އެގޮތުން ހާއްސަކޮށް އެ މުއާހަދާގެ، 1، 4، 5 އަދި 6 ވަނަ މާއްދާގެ ދަށުން ޑިއުޓީ ޓު ޕަނިޝް ޖެނޮސައިޑް މާނަކޮށްފައިވާ ގޮތަށް އަލިއަޅުވާލާފައިވާނެ.

އޭޖީ އޮފީހުން ބުންޏެވެ.

ރޮހިންޔާ މުސްލިމުންނަށް އަދުލު އިންސާފު ހޯދައިދިނުމަށް ބައިނަލްއަގުވާމީ މައިދާނުގައި ކުރާ މަސައްކަތްތަކަށް ރާއްޖެއިން އަބަދުވެސް އެއްބާރުލުން ދިނުމުގައި ސާބިތުކަމާ އެކު ދެމި އޮންނާނެކަމަށް އޭޖީ އޮފީހުން ވިދާޅުވެފައިވެއެވެ.