އެޗްޑީސީއާ ސަލަފް ގުޅިގެން، ހުޅުމާލޭ ހޮސްޕިޓަލަށް އިފްތާރު ޕެކް ފޯރުކޮށްދެނީ!

ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީއާ ސަލަފު ޖަމިއްޔާ ގުޅިގެން، ރަމަޟާން މަހު ހުޅުމާލޭ ހޮސްޕިޓަލަށް އިފްތާރު ޕެކް ފޯރުކޮށްދިނުމަށް ނިންމައިފިއެވެ.

އެޗްޑީސީއާ ސަލަފުން ވަނީ މިކަމާ ގުލިގެން އެއްބަސްވުމެއް ހަދައި، އެ އެއްބަސްވުމުގައި ސޮއިކޮށްފައެވެ. އެޗްޑިސީއިން ބުނީ މި އެއްބަސްވުމުގެ ދަށުން، ރޯދަމަހު ފޯރުކޮށްދޭ އިފްތާރު ޕެކްތައް ތައްޔާރުކުރުމަށް އެޗްޑީސީގެ ފަރާތުން ސަލަފު ޖަމިއްޔާއަށް ހުޅުމާލެއިން އެ މަސައްކަތްކުރުމަށް ބޭނުންވާ ޖާގަ ހަމަޖައްސައިދީފައިވާކަމަށެވެ. އެގޮތުން، ރޯދަ މަހުގެ ކޮންމެ ދުވަހެއްގައި ހުޅުމާލޭ ހޮސްޕިޓަލްގައި މަސައްކަތް ކުރާ ސިއްހީ ދާއިރާގެ މުވައްޒަފުންނާއި ހޮސްޕިޓްލުގައި ފަރުވާ ހޯދަމުންދާ ބަލި މީހުންނަށް އެ ޕްރޮގުރާމުގެ ދަށުން އިފްތާރު ޕެކް ފޯރުކޮށްދޭނެއެވެ.

މިފަދަ ތަނެއް ހަމަޖެހިގެން ދިއުމަކީ އަޅުގަނޑުމެންގެ މިމަސައްކަތަށް ލިބިގެންދިޔަ ވަރަށް ބޮޑު ފަސޭހައެއް! ހިލޭ ސާބަހަށް ކުރާ މިފަދަ ކަންކަމަށްވެސް ބޮޑު ކުލީގައި ތަނެއް ހިފައިގެން މަސައްކަތް ކުރުމަކީ ވަރަށް ބޮޑު ދަތިކަމެއް! ނަމަވެސް މިއަހަރު މިފަދައިން އެޗްޑީސީން ހަމަޖައްސަވައި ދެއްވިކަމީ އަޅުގަނޑުމެން ވަރަށް ޝުކުރުވެރިކަމާއެކު ފާހަގަ ކުރާކަމެއް.

މި ޕްރޮގްރާމްގެ ކޯޑިނޭޓަރ، މުހައްމަދު ޝުޖާއު ވިދާޅުވިއެވެ.

މިއަހަރުގެ ރޯދަމަހު ހުޅުމާލެ ހޮސްޕިޓަލުގައި ފަރުވާ ހޯދަމުންދާ ބަލިމީހުންނާއި، އެމީހުންގެ އެހީތެރިން އަދި މަސައްކަތްތެރިންނަށް ހަދިޔާކުރުމަށް ހަމަޖެހިފައިވާ "ހަދާޔާ" ޕެކޭޖްތައް ތައްޔާރުކުރުމުގެ މަސައްކަތް ކުރިއަށް ގެންދިއުމަށް އެޗްޑީސީއާއި ސަލަފް ޖަމިއްޔާއާ ދެމެދު… pic.twitter.com/46jhE3UHIp

— Housing Development Corporation (@hdcmaldives) March 4, 2025

އެޗްޑީސީގެ އަމާޒަކީ، މި ކުންފުނީގެ އިޖުތިމާއީ ޒިއްމާގެ ދަށުން ކުރިއަށްއޮތްތަނުގައި ވެސް މިފަދަ މުޖްތަމައުއަށް ފައިދާހުރި ގިނަ ޕްރޮގުރާމުތަކެއް ހިންގުމާއެކު ރޯދަ މަހުގައި އެކަކު އަނެކަކަށް އެހީތެރިވުމަށް ބާރު އެޅުންކަމަށް އެ ކުންފުނިން ބުނެއެވެ.