Ads by Exprox

ޚަބަރު

ފްލެޓު ލިސްޓާ ގުޅިގެން އެކަށީގެންވާ ހެކި ހުށައެޅިއްޖެނަމަ މައްސަލަ ދިރާސާ ކުރެވޭނެ: މިނިސްޓްރީ

ފްލެޓު ލިސްޓާ ގުޅިގެން އެކަށީގެންވާ ހެކި ހުށައެޅިއްޖެނަމަ މައްސަލަ ދިރާސާ ކުރެވޭނެ: މިނިސްޓްރީ

ހިޔާ ފްލެޓުތައް/ ފޮޓޯ: މޯލްޑިވްސް ފައިނެންޝިއަލް ރިވިއު

06 މާރިޗު 2025، 10:52

ފްލެޓް ލިސްޓާ ގުޅޭގޮތުން ހުށަހެޅޭ ޝަކުވާތަކުގައި އެކަށީގެންވާ ހެކި ހުށަހެޅިއްޖެނަމަ، އެ މައްސަލަތައް ފުރިހަމައަށް ދިރާސާކޮށް ވެރިފައި ކުރެވޭނެކަމަށް، ހައުސިންގ މިނިސްޓްރީގެ ސްޓޭޓް މިނިސްޓަރ އިބްރާހިމް ނާޒިމް ވިދާޅުވެއެވެ.

ދައުލަތުގެ މީޑިއާއަށް ދެއްވި ޚާއްޞަ އިންޓަވިއުއެއްގައި ސްޓޭޓް މިނިސްޓަރ ފާހަގަކުރެއްވި ގޮތުގައި، އެންމެ ފަހުން އާންމުކުރެވުނު ފްލެޓް ލިސްޓަށް އަންނާނެ ބަދަލުތަކާ ބެހޭ ގޮތުން މި ވަގުތު ވަކި އެއްޗެއް ދެންނެވެން ނެތް ނަމަވެސް، ޝަކުވާ ހުށަހެޅުމުގެ ފުރުސަތު ހުޅުވާލާފައި ވަނީ ރައްޔިތުންގެ ކަންބޮޑުވުންތަކަށް އިޖާބަދިނުމުގެ ގޮތުންނެވެ.

ގެދޮރުވެރިކުރުމުގެ ސްކީމްގެ ދަށުން 4000 ފްލެޓަށް ޝަރުތު ހަމަވާ ފަރާތްތަކުގެ ލިސްޓް މުރާޖަޢާކުރުމަށްފަހު، އައު ލިސްޓެއް ވަނީ މިދިޔަ މަހުގެ 27 ވަނަ ދުވަހު އާންމުކޮށްފައެވެ. މި ލިސްޓަށް ޝަކުވާ ހުށަހެޅުމުގެ ފުރުސަތު މި މަހުގެ ނިޔަލަށް ހުޅުވާލާފައިވާއިރު، މިހާތަނަށް ގިނަ އަދަދެއްގެ ރައްޔިތުން ވަނީ ޝަކުވާ ހުށަހަޅާފައެވެ.

ސަރުކާރުގެ ނިންމުމާމެދު ހިތްހަމަނުޖެހޭ ފަރާތްތަކަށް އެކަން ޗެލެންޖު ކުރުމުގެ ފުރުސަތު ދިނުމަކީ ޝަކުވާ ހުށަހެޅުމުގެ މަރުޙަލާގެ މައިގަނޑު މަޤްޞަދު.

ސްޓޭޓް މިނިސްޓަރ ވިދާޅުވިއެވެ.

މި ލިޔުން ކިޔާލުމުން

Ads by MSS