ކުޅިވަރު

އެކަކު މަދުކޮށް ކުޅެމުން ދިޔަ ބާސެލޯނާ މިފަހަރު ވެސް ސަލާމަތްކޮށްދިނީ ރަފީނިއާ

އެކަކު މަދުކޮށް ކުޅެމުން ދިޔަ ބާސެލޯނާ މިފަހަރު ވެސް ސަލާމަތްކޮށްދިނީ ރަފީނިއާ

ބާސެލޯނާގެ ގޯލު ކާމިޔާބުކުރުމަށްފަހު ރަފީނިއާ އުފާފާޅުކުރަނީ، ފޮޓޯ: ގެޓީ އިމޭޖަސް

މިފްތާޙް މުޙައްމަދު

މިފްތާޙް މުޙައްމަދު

06 މާރިޗު 2025، 11:17

06 މާރިޗު 2025، 11:17

ޗެމްޕިއަންސް ލީގުގައި ބެންފީކާއާ ދެކޮޅަށް ކުޅުނު މެޗުގެ ފުރަތަމަ ހާފުގެ ކުރީކޮޅުން ފެށިގެން އެކަކު މަދުކޮށް ކުޅެމުން ދަނިކޮށް، ރަފީނިއާގެ ގޯލަކުން ބާސެލޯނާ އަނެއްކާ ވެސް ސަލާމަތްކޮށްދީފިއެވެ.

މި ދެ ޓީމު ވަނީ މި މުބާރާތުގެ ލީގު-ފޭސްގައި މިދިޔަ ޖެނުއަރީ މަހު ވެސް ބައްދަލުކޮށްފައެވެ. ޖުމްލަ 9 ގޯލު ފެނިގެން ދިޔަ އެ މެޗުގެ 96ވަނަ މިނެޓުގައި ބާސެލޯނާ 5-4 އިން މޮޅުކޮށްދިން ގޯލު ވެސް ކާމިޔާބުކޮކޮށްދިނީ ރަފީނިއާއެވެ.

ރޭގެ މެޗުގައި ރަފީނިއާ ފައިދާ ނެގީ ބެންފިކާގެ ފަހަތުން ހެދުނު ގޯހަކުންނެވެ. އެ ބޯޅަ ހޯދުމަށްފަހު ގޮސް ތިރީ ކަނަށް ބޯޅަ ފޮނުވާލައި ބާސެލޯނާއަށް 61 ވަނަ މިނެޓުގައި ލީޑު ނަގައިދިނެވެ. އެއީ މި ސީޒަނުގައި އޭނާ ކާމިޔާބުކުރި 25 ވަނަ ގޯލެވެ. އަދި ޗެމްޕިއަންސް ލީގުގެ 9 ވަނަ ގޯލު ވެސް މެއެވެ.

ބާސެލޯނާގެ ޑިފެންޑަރ ޕައު ކަބާސީއަށް ރަތް ކާޑު ދެއްކީ، މެޗުގެ 22 ވަނަ މިނެޓުގައި ބެންފިކާގެ ފޯވާޑް، ވެންގިލިސް ޕެވްލިޑިސްއަށް ކުރި ފައުލަކަށެވެ. ބާސެލޯނާގެ ޕެނަލްޓީ އޭރިއާގެ ކަނާ ދިމާލުން ފައުލްކުރިއިރު، ކަބާސީއާ ގޯލް ކީޕަރާ ދެމެދު އެއްވެސް ހުރަހެއް ނެތެވެ. އެހެންކަމުން، ގޯލު ޖެހެން އޮތް ފުރުސަތެއް ހުއްޓުވުމަށް ކުރި ފައުލަކަށް ބަލައި އޭނާއަށް ވަނީ ސީދާ ރަތް ކާޑެއް ދައްކާފައެވެ.

އަދި މެޗުގެ 82ވަނަ މިނެޓުގައި ނަތީޖާ ހަމަހަމަ ކުރުމަށް ބެންފިކާއަށް ރަނުގެ ފުރުސަތެއް ލިބުނުކަމަށް ބެލެވުނެވެ. އެއީ އެ ޓީމުގެ އެންޑްރިއާ ބެލޯޓީއަށް ބާސެލޯނާގެ ގޯލްކީޕަރ، ވޮޒްނިއެކް ޝެޒްނީކުރި ފައުލަކަށް ލިބުނު ޕެނަލްޓީއަކުންނެވެ. ނަމަވެސް އެ ފައުލް ކުރުމުގެ ކުރިން ބެލޯޓީ އޮފްސައިޑްގައި ހުރުމުން، ޕެނަލްޓީ ކެންސަލްކޮށް ގޯލް-ކިކްއަކަށް ބަދަލުކުރީއެވެ.

މި ދެ ޓީމު ބާސެލޯނާގެ ކޭމްޕް ނޯވގައި ބައްދަލުކުރާ ދެވަނަ ލެގް އޮންނާނީ މި އަންނަ އަންގާރަ ދުވަހެވެ. 

މި ލިޔުން ކިޔާލުމުން

Ads by MSS