Ads by Exprox

ޚަބަރު

"ޕެންޓޮޕް 40 އިންޖެކްޝަން" ގެ ވަކި ބެޗެއް ވިއްކުން މަނާކޮށްފި

"ޕެންޓޮޕް 40 އިންޖެކްޝަން" ގެ ވަކި ބެޗެއް ވިއްކުން މަނާކޮށްފި

ޕެންޓޮޕް 40 އިންޖެކްޝަން

06 މާރިޗު 2025، 02:31

ރާއްޖޭގައި ބޭނުންކުރަމުންދާ "ޕެންޓޮޕް 40 އިންޖެކްޝަން" ގެ ވަކި ބެޗެއް ވިއްކުމަށް މޯލްޑިވްސް ފުޑް އެންޑް ޑްރަގް އޮތޯރިޓީ، އެމްއެފްޑީއޭއިން މަނާކޮށްފިއެވެ.

އެމްއެފްޑީއޭއިން މި އިންޖެކްޝަން ވިއްކުން މަނާކޮށްފައިވަނީ އޭގެ ވަކި ބެޗެއްގައި ކޮލެޓީ މައްސަލަތަކެއް ހުރެގެން ކަމަށް އެ އޮތޯރިޓީ  އިން ވިދާޅުވެއެވެ. އެމްއެފްޑީއޭއިން ވިއްކުމާއި ބޭނުންކުރުން މަނާކޮށްފައިވަނީ އެ އިންޖެކްޝަންގެ (EMPH243030) ނަމްބަރުގެ ބެޗެވެ. މި ބޭސް މަނާކުރުމާއިއެކު އެމްއެފްޑީއޭ އިން ވަނީ، "ޕެންޓޮޕް 40 އިންޖެކްޝަން" ގެ މި ބެޗް ނަންބަރުގެ ބޭހެއް އެއްވެސް ފާމަސީއެއްގައި ނުވަތަ ޞިއްޙީ ޚިދުމަތްދޭ ތަނެއްގައި ހުރިނަމަ އެކަން އެމްއެފްޑީއޭއަށް ހިއްސާކުރުމަށް އެދިފައެވެ.

އެމްއެފްޑީއޭއިން ވަނީ، ބޭސް ނައްތާލުމަށް ހަމަޖެހިފައިވާ އުސޫލުތަކާއި ޤަވާއިދުތަކުގެ ދަށުން މި ބެޗުގެ ބޭސްތައް ނައްތާލުމަށް އިލްތިމާސްކުރައްވާފަ އެވެ. އަދި ކޮންމެ ބޭހެއްގެ ވެސް ރައްކާތެރިކަން ކަށަވަރުކުރުމަށްޓަކައި، ބޭސް އެއްތަނުން އަނެއްތަނަށް  ގެންގޮސް ގުދަންކުރާއިރު، ދަމަހައްޓަންޖެހޭ ވަކި މިންގަނޑުތަކެއް ވެސް ރާއްޖެއަށް ބޭސް އެތެރެކޮށް ވިއްކާ ފަރާތްތަކަށް އަންގާފައިވާކަމަށް އެމްއެފްޑީއޭއިން ވިދާޅުވިއެވެ.

މި ލިޔުން ކިޔާލުމުން

Ads by MSS