ޚަބަރު
ސަރުކާރުން ރަސްފަންނު ސަރަޙައްދު ސާފުކުރުމުގެ މަސައްކަތް ފަށައިފި

ރަސްފަންނު ސަރަޙައްދު ސާފުކުރުމުގެ މަސައްކަތުގެ ތެރެއިން/ފޮޓޯ: ވަޒީރު އާދަމް ޝަރީގް ޢުމަރު
ރަސްފަންނު ސަރަޙައްދު ސާފުކުރުމުގެ މަސައްކަތް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާއިން ފަށައިފިއެވެ.
މިކަމާއި ގުޅިގެން ޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު ވަނީ އެކްސްގައި ޕޯސްޓެއް ކުރައްވާފަައެވެ. މި ޕޯސްޓުގައި ވަޒީރު ވިދާޅުވީ، މާލެ ސަރަޙައްދުގައި ދިރިއުޅެމުންދާ ރައްޔިތުންނަށް މި ރަމަޟާން މަހު ރަސްފަންނު ބޭނުން ކުރެވޭނެ ގޮތް ހެދުމަށްޓަކައި، އެ ސަރަޙައްދު ސާފުކުރުމުގެ މަސައްކަތް އެ ވުޒާރާއިން ފަށާފައިވާ ކަމަށެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މިދިޔަ މަހުގެ ތެރޭގައި ރަސްފަންނަށް ޒިޔާރަތްކުރައްވާފަ އެވެ. އަދި އެ ސަރަޙައްދު ވަނީ ވަރަށް ބޮޑަށް ހަލާކުވެ، ވީރާނާވެފައިކަން އޭރު އެމަނިކުފާނު ވަނީ ފާހަގަކުރައްވާފަ އެވެ. އެހެންކަމުން، ރަސްފަންނު މަރާމަރުކުރުމަށްޓަކައި، ކޮންސްޓްރަކްޝަން މިނިސްޓްރީ އިން ވަނީ މިދިޔަ ފެބްރުއަރީ މަހުގެ 22 އިން 28 ގެ ނިޔަލަށް އެތަން ބަންދުކޮށްފައެވެ.
ރައީސުލްޖުމްހޫރިއްޔާ ވިދާޅުވީ، ރަސްފަންނާއި ސަލްޓަންޕާކުގެ ޙާލަތު ފެނިފައި އެމަނިކުފާނު އެކަމާއިމެދު ނުހަނު ހިތާމަކުރައްވާ ކަމަށެވެ. އަދި އެ ދެ ތަން ވެސް ވީރާނާވަމުންދާކަން އެމަނިކުފާނު ވަނީ ފާހަގަކުރައްވާފަ އެވެ. މީގެ އިތުރުން ރައީސް ވިދާޅުވީ، މި ދެ ތަނަކީ މާލޭގައި ދިރިއުޅޭ ރައްޔިތުންނަށް ހިތްހަމަޖެހުމާއި އުފާވެރިކަން ގެނެސްދޭ ދެތަން ކަމަށެވެ.
ރަސްފަންނާއި ސަލްޓަންޕާކަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހައުސިންގ މިނިސްޓަރު ކަމުގެ މަޤާމުގައި ހުންނެވި އިރު ތަރައްޤީ ކުރެއްވި ދެ ތަނެވެ.