ދީން

ތިމާގެ މުދާ އޭގެ ބޭނުންޖެހިފައިވާ މީހުންނަށް ހޭދަ ކުރުމަކީ ދީނުގައި ނުހަނު ބާރުއަޅާ ކަމެއް

ތިމާގެ މުދާ އޭގެ ބޭނުންޖެހިފައިވާ މީހުންނަށް ހޭދަ ކުރުމަކީ ދީނުގައި ނުހަނު ބާރުއަޅާ ކަމެއް

ތިމާގެ މުދާ އޭގެ ބޭނުންޖެހިފައިވާ މީހުންނަށް ހޭދަކުރުމަކީ މާތް ސިފައެއް---

farudhun logo

ފަރުދުން

06 މާރިޗު 2025، 11:05

06 މާރިޗު 2025، 11:05

ތިމާގެ މުދާ އޭގެ ބޭނުންޖެހިފައިވާ މީހުންނަށް ހޭދަ ކުރުމަކީ އިސްލާމް ދީނުގައި ވަރަށް ބޮޑަށް ބާރުއަޅާ ކަމެކެވެ.

މިއީ ތިމާގެ މުދަލުން ނުވަތަ ފައިސާއިން އޭގެ ބޭނުންޖެހިފައިވާ މީހުންނަށް، އޭގެން ކޮންމެވެސް މިންވަރެއް ދިނުން، ނުވަތަ ކޮންމެވެސް ކަމެއް ކޮށްދިނުމެވެ.

މިކަމުގެ މާތްކަމަށް އަލިއަޅުވާލައްވަމުން، ފަރުދުން މީޑިއާގެ "ބަރަކާތް" ޕްރޮގްރާމުގައި އައްޝައިޚާ އަރޫޝާ މާޙިރު ވިދާޅުވީ، މިއީ ތިމާގެ އިމާންކަން ފުރިހަމަކުރުމުގެ ގޮތުން ވެސް ކޮންމެހެން ކުރަންޖެހޭ ކަމެއް ކަމުގައެވެ. 

އަދި ތިމާގެ އަތުގައި އޮންނަ ތިމާ އެންމެ ލޯބިކުރާ މުދާ ވެސް ﷲގެ މަގުގައި ހޭދަކުރުމަކީ، ދީނުގައި މާތް އަޅުކަމެއްކަމަށް ވަނީ ވިދާޅުވެފައެވެ.

މީހަކު ލޯބިކުރާ އެއްޗަކުން ﷲގެ މަގުގައި ހޭދަކޮށްފުމަށް ދާންދެން އޭނާގެ އީމާންކަން ފުރިހަމަވެގެން ނުދޭ.

މިކަމަށް ކީރިތި ޤުރުއާނުން ދަލީލު ދައްކަވަމުން އައްޝައިޚާ އަރޫޝާ ޙިއްސާކުރެއްވެވިއެވެ.

މި އާޔަތް ބާވާލެއްވުމާ ގުޅިގެން، ކީރިތި ރަސޫލާ  صـلّى الله علـيـه وسـلّم ގެ ޞަހާބީ ބޭކަލެއް ކަމުގައިވާ، އަބޫ ޠަލްޙާ ރަޟިޔަﷲ ޢަންހު، އެކަލޭގެ ފާނު އެންމެ ލޯބިކުރައްވާ މުދަލެއްގެ ގޮތުގައި އޮތް "ބައިރުޚާ" އޭ ކިއުނު ބަގީޗާއެއް ﷲގެ މަގުގައި ހޭދަކުރެއްވުމުގެ ގޮތުން، އާންމުންނަށް ބޭނުންކުރެވޭ ގޮތަށް ހުޅުވާލިކަމަށް ވެސް އައްޝައިޚާ އަރޫޝާ ވަނީ ޙިއްސާކުރައްވާފައެވެ. 

މި ލިޔުން ކިޔާލުމުން