ކާބޯތަކެތި ތައްޔާރުކުރާ ތަަނަކުން 32 ބިދޭސީން ހައްޔަރުކޮށްފި

މާލޭގެ ގެއެއް ބަލައި ފާސްކޮށް، 32 ބިދޭސީއަކު މޯލްޑިވްސް އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ. 

އިމިގްރޭޝަނުން ބުނީ، މއ. ހިތިލާގެ ދޭކުން އާންމު ގޮތެއްގައި ގަނޑުކުރި މަސް، ތަރުކާރީ އަދި އެހެނިހެން ކާނާގެ ބާވަތްތައް ސަޕްލައިކުރާ މަންޒަރު އަބަދުވެސް ފެންނަ ކަމަށާއި އެތަކެތި ޑެލިވަރީ ކުރަން އެކި ވަގުތުތަކުގައި ގިނަ އަދަދެއްގެ ސައިކަލު އެ ގެ ކައިރީ ޕާކުކޮށްފައި ހުންނަކަމަށާއި އަދި މެންދުރު ކާގަޑިއަށް ގިނަ އަދަދެއްގެ ބަތް ޕާރުސަލް ޑެލިވަރީކުރަން އެ ގެއިން މީހުން ނިކުންނަ މަންޒަރު ފެންނަ ކަމަށް ރިޕޯޓު ލިބިފައިވާ ކަމަށެވެ.

"އިމިގްރޭޝަން ވޮޗް" އަށް ލިބުނު ރިޕޯޓަކާއި ގުޅިގެން 2025 މާރިޗު 05 ވަނަ ދުވަހު ހިންގުނު ރެއިޑު އޮޕަރޭޝަން.

Raid operation conducted on March 5, 2025, in connection with a report received by 'Immigration Watch'@PoliceMv #MaldivesImmigration #Immigrationwatchmv pic.twitter.com/CRNTJPbPLm

— Maldives Immigration (@ImmigrationMV) March 7, 2025

މި އިމާރާތް ބަލާ ފާސްކުރިއިރު، މި އިމާރާތުގައި 32 ބިދޭސިން ސައްޙަ ވިސާއެއް ނެތި ދިރިއުޅެމުންދާއިރު، މުޅިއަކު 76 ބިދޭސީން މި އިމާރާތުގައި ދިރިއުޅެމުންދާކަމަށް އިމިގްރޭޝަނުން ހިންގި އޮޕަރޭޝަނުގައި ވަނީ ހޯދިފައެވެ. ސައްޙަ ވިސާނެތި މި އިމާރާތުގައި އުޅެމުން ދިޔަ 32 ބިދޭސިން މިހާރު ތިބީ އިމިގްރޭޝަނުގެ ބެލުމުގެ ދަށުގައިކަމަށް ވެސް އެ އިދާރާއިން މަޢުލޫމާތުދެއްވައެވެ.