ދަނޑުވެރިންގެ މަޢުލޫމާތު އެއްކުރުމަށް ދަނޑުވެރިކަމާ ބެހޭ ވުޒާރާއިން ނިންމަވައިފި

ރާއްޖޭގެ ދަނޑުވެރިންގެ މައުލޫމާތު އެއްކުރުމުގެ މަސައްކަތް ދަނޑުވެރިކަމާ ދިރޭތަކެއްޗާ ބެހޭ ވުޒާރާއިން ފަށައިފިއެވެ.

މި މަސައްކަތް އެކަށީގެންވާ ގޮތަށް ކުރިއަށް ގެންދިޔުމަށް މޯލްޑިވްސް ބިއުރޯ އޮފް ސްޓެތިސްޓިކްސްއާ ގިނަ މަޝްވަރާތަކެއް ދަނޑުވެރިކަމާ ދިރޭތަކެއްޗާ ބެހޭ ވުޒާރާއިން ވަނީ ކޮށްފައެވެ. އެގޮތުން މިކަމަށް ބޭނުންވާ ކަންކަން ފުރިހަމަ ކުރުމަށް މިނިސްޓަރު ޑރ. މަރިޔަމް މާރިޔާ އަމިއްލައަށް ސްޓެޓިސްޓިކްސް ބިއުރޯއާ ބައްދަލުކުރަށްވާ ވާހަކަފުޅު ދައްކަވާފައިވެއެވެ. 

ދަނޑުވެރިކަމުގެ ޑޭޓާ އެއްކުރުމުގެ މަސައްކަތާ ގުޅޭ ގޮތުން ވެސް މިނިސްޓްރީން މަޝްވަރާކުރިއެވެ. ދަނޑުވެރިކަން ކުރިއަރުވަން ސަރުކާރުން މިހާރު ހާއްސަ މަސައްކަތްތަކެއް ކުރަމުން އަންނަ އިރު، ދަނޑުވެރިކަމަށް ހާއްސަ ކުރެވިގެން އިޤްތިސާދީ ޒޯނެއް މި އަހަރުތެރޭގައި ޤާއިމު ކުރުމަށް ހަމަޖެހިފައިވެއެވެ.

Minister Dr Maryam Mariya @mmaryambu met with the @statsmaldives team to discuss the possibility of working together to gather data on farmers and the crops grown in communities. Their guidance will be valuable in strengthening agricultural data collection. The Ministry of… pic.twitter.com/bDxRZdiL1K

— Ministry of Agriculture and Animal Welfare (@MAAWmv) March 7, 2025

މިނިސްޓްރީން ބުނީ މި މަސައްކަތުގެ ދަށުން ކުރިޔަށް ގެންދަނީ ދަނޑުވެރިކަން ކުރާ މީހުންގެ އަދަދާއި ހައްދާ ގަހުގެ މައުލޫމާތު އެއްކުރުމުގެ މަސައްކަތް ކަމަށެވެ. މި މަޝްރޫއު 2028 ގައި ނިމި އޭގެ ފައިދާ ރާއްޖޭގެ އިގުތިސާދަށް ލިބެން ފަށާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެފައިވެއެވެ.