ސައިންސާއި ޓެކްނޮލޮޖީގެ ދާއިރާގައި އަންހެނުންގެ ހިއްސާ ފާހަގަކޮށް ގޫގުލްއިން ޚާއްސަ ޑޫޑުލްއެއް

މިއަދު ފާހަގަކުރެވޭ ބައިނަލްއަޤްވާމީ އަންހެނުންގެ ދުވަހާ ގުޅިގެން، ސައިންސާއި ޓެކްނޮލޮޖީގެ ދާއިރާގައި އަންހެނުން ކޮށްފައިވާ އުޖާލާ މަސައްކަތްތައް ފާހަގަކުރުމުގެ ގޮތުން ގޫގުލުން ވަނީ ޚާއްސަ ޑޫޑުލްއެއް ތައްޔާރުކޮށްފައެވެ. މި ޑޫޑުލްގައި ހިމެނެނީ ޚާއްސަކޮށް ބައޮލޮޖީ، ކެމިސްޓްރީ އަދި ފިޒިކްސްގެ ދާއިރާތަކުން އަންހެނުން ކޮށްފައިވާ އީޖާދުތަކާއި ހޯދުންތަކެވެ.

ގޫގުލުން ބުނެފައިވާ ގޮތުގައި، މި ޑޫޑުލްއަކީ ބައިނަލްއަޤްވާމީ އަންހެނުންގެ ދުވަސް ފާހަގަކުރުމަށް ތައްޔާރުކޮށްފައިވާ އެއްޗެކެވެ. އެކުންފުނިން ފާހަގަކޮށްފައިވާ ގޮތުގައި، އދ. އިން މި ދުވަސް ފުރަތަމަ ފާހަގަކުރީ 1975 ވަނަ އަހަރުއެވެ. އޭގެ ބޭނުމަކީ ދުނިޔޭގެ އެކި ކަންކޮޅުތަކުގައި އަންހެނުން ކޮށްފައިވާ މުހިންމު މަސައްކަތްތައް ފާހަގަކުރުމެވެ.

ނަމަވެސް، ސްޓެމް (ސައިންސް، ޓެކްނޮލޮޖީ، އިންޖިނިއަރިންގ އަދި މެތަމެޓިކްސް) ދާއިރާގައި އަދިވެސް އަންހެނުންގެ ހިއްސާ ކުޑަކަން ގޫގުލުން ފާހަގަކޮށްފައިވެއެވެ. މި ދާއިރާގައި މަސައްކަތްކުރާ މީހުންގެ ތެރެއިން އަންހެނުންގެ ނިސްބަތަކީ އެންމެ 29 އިންސައްތައެވެ.

މިއަހަރުގެ ބައިނަލްއަޤްވާމީ އަންހެނުންގެ ދުވަހުގެ ޝިއާރަކީ "އެކްސެލެރޭޓް އެކްޝަން" އެވެ. މި ޝިއާރުގެ މަޤްސަދަކީ އަންހެނުންގެ ކުރިއެރުމަށް ބޭނުންވާ ވަސީލަތްތަކާއި ހަރަކާތްތައް ފާހަގަކޮށް، އެކަންކަން ތަންފީޒުކުރުމަށް ބާރުއެޅުމެވެ.