ހަޤީޤީ މާނައިގައި އަންހެނުން ބާރުވެރިކުރެވޭނީ ފުރުސަތުތައް ފަހިކޮށްދީގެން: ވަޒީރު އާދަމް ޝަރީފް

ހަޤީޤީ މާނައިގައި އަންހެނުން ބާރުވެރިކުރެވޭނީ ފުރުސުތަތައް ފަހިކޮށްދީގެން ކަމަށް ސިޓީތަކާއި އިދާރީ ދާއިރާތަކުގެ ހިންގުމާއި ޢާންމު ޚިދުމަތްތަކާ ބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ. 

ވަޒީރު އާދަމް ޝަރީފް ޢުމަރު މިހެން ވިދާޅުވީ މިއަދު ފާހަގަކުރަމުންދާ ބައިނަލް އަޤްވާމީ އަންހެނުންގެ ދުވަހުގެ ތަހުނިޔާ ކިޔުއްވައި އެކްސްގައި ކުރެއްެވެވި ޕޯސްޓެއްގައެވެ. 

ވަޒީރު އާދަމް ޝަރީފް ޢުމަރު ވިދާޅުވެފައިވަނީ ޤައުމީ ތަރައްޤީގެ މުހިންމު ނިންމުންތަކުގައި، ޚާއްޞަކޮށް ސިޔާސީ ކަންކަމުގައި އަންހެނުންގެ ބައިވެރިވުމާއި ބައިވެރި ކުރުމަށް ޚާއްޞަ ސަމާލުކަން ދޭންޖެހޭ ކަމަށެވެ.

“ޙަޤީޤީ މާނައިގައި އަންހެނުން ބާރުވެރި ކުރެވޭނީ ފުރުޞަތުތައް ފަހިކޮށްދީ، އެ ފުރުޞަތުތަކުގެ ބޭނުން އެންމެ ފުރިހަމަގޮތުގައި ހިފަމުންދާކަން ކަށަވަރުވާ ދުވަހަކުން” ވަޒީރު އާދަމް ޝަރީފް ޢުމަރުވިދާޅުވެފައިވެއެވެ.

 ރާއްޖޭގެ މަތީ ތަަޢުލީމުގެ ދާއިރާގައި އަންހެނުންގެ ކާމިޔާބީތައް ހުރިގޮތުން ކުރިމަގުގައި ރާއްޖޭގެ ޒިންމާދާރު ގިނަ މަޤާމުތައް މިހާރަށްވުރެ ބޮޑަށް އަންހެނުން އަދާކުރާނެކަމުގެ އުންމީދު އާލާވާ ކަމަށާއި ދިވެހި އަންހެނުންނަށް ފުރިހަމަ ކާމިޔާބީއަށް އެދިލައްވާ ކަމަށް ވަޒީރު އާދަމް ޝަރީފް ވިދާޅުވެފައިވެއެވެ.