Ads by Exprox

ޚަބަރު

ގިނަ ޢަަދަދެއްގެ މަސްތުވާތަކެއްޗާއި އެކު ހައްޔަރުކުރި ޒީނާގެ ބަންދުގެ މުއްދަތު އިތުރުކޮށްފި

ގިނަ ޢަަދަދެއްގެ މަސްތުވާތަކެއްޗާއި އެކު ހައްޔަރުކުރި ޒީނާގެ ބަންދުގެ މުއްދަތު އިތުރުކޮށްފި

މަސްތުވާތަކެތީގެ މައްސަލާގައި ހައްޔަރުކުރި ޒީނާ. ފޮޓޯ: ފުލުހުން

ޙަސްނާ އަޙްމަދް

ޙަސްނާ އަޙްމަދް

08 މާރިޗު 2025، 09:38

08 މާރިޗު 2025، 09:38

ގިނަ ޢަދަދެއްގެ މަސްތުވާތަކެއްޗާއި އެކު ހައްޔަރުކުރި ހއ.ތުރާކުނު އާހިޔާ މަރިޔަމް ޒީނާގެ ބަންދުގެ މުއްދަތު އިތުރުކޮށްފިއެވެ. 

14 ކިލޯގެެ މަސްތުވާތަކެއްޗާއި އެކު 23 އަހަރުގެ ޒީނާ ހައްޔަރުކޮށްފައިވަނީ މިދިޔަ ފެބްރުއަރީ މަހުގެ 19 ވަނަ ދުވަހު ކައުންޓާ ނާކޮޓިކްސް އިންޓެލިޖެންސް އާއި ޑްރަގް އެންފޯސްމަންޓް ގުޅިގެން  ހިންގި އޮޕަރޭޝަނެއްގައެވެ. 

މިއޮޕަރޭޝަނުގައި ބަލައި ފާސްކޮށްފައިވަނީ ހުޅުމާލޭ ފުރަތަމަ ފިޔަވަހީގައި ހުންނަ ގެއެކެވެ. ކޯޓު އަމުރެއްގެ ދަށުން ހިންގި މި އޮޕަރޭޝަނުގައި 14 ކިލޯގެ މަސްތުވާތަކެތި ކަމަށް ޝައްކު ކުރެވޭ ތަކެތި ފުލުހުން ވަނީ ހޯދައިފައިކަމަށް ފުލުހުންގެ ޚިދުމަތުން ހާމަކޮށްފައިވެއެވެ. 

މިމައްސަލާގައި ބަންދާއި މެދު ގޮތެއް ނިންމަން ކޯޓަށް ހާޒިރު ކުރުމުން 15 ދުވަހަށް ޒީނާ ބަންދުކުރުމަށް ވަނީ ޙުކުމްކޮށްފައެވެ. އޭގެފަހުން ދެވަނަ ފަހަރަށްވެސް 15 ދުވަހަށް އޭނާ ބަންދުކުރުމަށް ވަނީ މުއްދަތު ޖަހައިފައެވެ. 

ފުލުހުން ބުނެފައިވަނީ މިމައްސަލައާއި ގުޅިގެން ބަލަން ޖެހޭ އިތުރު ކަންކަން އެއިދާރާއިން ބަލަމުންދާކަމަށެވެ. 

މި ލިޔުން ކިޔާލުމުން

Ads by MSS