ޕޮކެމޮން ސިފައިގައި އޮތް ޗީޓޯއެއް 87,840 ޑޮލަރަށް ނީލަމުގައި ވިއްކާލައިފި

ޕޮކެމޮން ސީރީޒްގެ މަޝްހޫރު ކެރެކްޓަރެއް ކަމަށްވާ ޗެރިޒާޑްގެ ސިފައިގައި އޮތް ޗީޓޯއެއް 87,840 އެމެރިކާ ޑޮލަރަށް ނީލަމުގައި ވިއްކާލައިފިއެވެ. މި ނީލަން ބޭއްވީ ގޯލްޑިން އޯކްޝަން ހައުސްއިންނެވެ.

މި ޗީޓޯއަކީ 3 އިންޗި ދިގު، ފްލޭމިންގ ހޮޓް ޗީޓޯއެކެވެ. މިއީ 2018 އާއި 2022 އާ ދެމެދު ފެނި، ރައްކާކުރެވިފައިވާ އެއްޗެކެވެ. މި ޗީޓޯ ވަނީ ޚާއްސަކޮށް ފަރުމާކުރެވިފައިވާ ޕޮކެމޮން ކާޑެއްގައި ހަރުކޮށް، ސާފު ޕްލާސްޓިކް ފޮށްޓެއްގައި ބަންދުކުރެވިފައެވެ.

2024 ގެ ފަހުކޮޅު މި ޗީޓޯ ވަނީ އިޖުތިމާޢީ ވިއުގަތަކުގައި ވަރަށް މަޤްބޫލުވެފައެވެ. މި ނީލަމުގައި ޖުމްލަ 60 ބިޑް ލިބުނު ކަމަށް ގޯލްޑިން އޯކްޝަން ހައުސްއިން ބުނެފައިވެއެވެ. އެންމެ މަތީ އަގު ހުށަހެޅި ފަރާތުން ވަނީ 72,000 ޑޮލަރު ހުށަހަޅާފައެވެ. މީގެ އިތުރުން ގަންނަ ފަރާތުން ދައްކަންޖެހޭ އިތުރު ފީއެއްވެސް ހިމެނެއެވެ.

މިފަދަ ވަކި ސިފައެއްގައި ހުންނަ ކާބޯތަކެތި ނީލަމުގައި ވިއްކުމަކީ އާ ކަމެއް ނޫނެވެ. ނަމަވެސް މިފަދަ މަތީ އަގެއްގައި ޗީޓޯއެއް ވިއްކާލެވުނު މިއީ ފުރަތަމަ ފަހަރު ކަމަށް ބެލެވެއެވެ. މި ކަމުން އެނގިގެންދަނީ ޕޮކެމޮން ފްރެންޗައިޒްގެ މަޤްބޫލުކަމާއި، ނާދިރު ކަލެކްޓަބަލްތަކަށް މީހުން ދޭ އަހައްމިއްޔަތުކަމެވެ.