ރޯދަމަހު ދުވާލު ސިނގިރޭޓް ބޯން އުޅުނު މީހަކު ހައްޔަރުކުރުމުން ފުލުހުންގެ ސްޓޭޝަނަށް ގެއްލުންދީފި

ރޯދަމަހު ދުވާލު ސިނގިރޭޓް ބޯން އުޅުނު މީހަކު ހައްޔަރުކުރުމުން ފުލުހުންގެ ސްޓޭޝަނަށް ގެއްލުންދީފިއެވެ. 

ދިވެހި ފުލުހުން މިކަމާއި ގުޅިގެން ބުނެފައިވަނީ މިދިޔަ ހަފްތާގެ ބުރާސްފަތިދުވަހުގެ ދުވާލު ސިނގިރޭޓް ބޯން އުޅުމުން ހައްޔަރުކޮށްފައިވަނީ 46 އަހަރުގެ ދިވެހި ފިރިހެނެއްކަމަށެވެ. އަދި އެމައްސަލާގައި އޭނާ ހައްޔަރުކޮށްގެން ފުލުހުންގެ ސްޓޭޝަނަށް ގެންދިޔުމުން އެތަނަށް ގެއްލުންދީފައިވާކަމަށެވެ. މިމައްސަލާގައި ހައްޔަރުކޮށްފައިވާ މީހަކީ މީގެ 25 އަަހަރު ކުރިންވެސް ހައްޔަރުކޮށްފައިވާ މީހެކެވެ. 

އޭނާ ހަައްޔަރުކޮށްފައިވަނީ މިދިޔަ ބުރާސްފަތިދުވަހުގެ މެންދުރު 11:40 ހާއިރު މަގުމަތީގަައިހުރެ ސިނގިރޭޓެއް ރޯކުރަން އުޅެނިކޮށްކަމަށް އޭނާގެ ބަންދުގެ އަމުރުގައި ބުނެފައިވެއެވެ. 

އެއަމުރުގައި އިތުރަށް ބުނެފައިވަނީ އޭނާ ހައްޔަރުކޮށް މާފަންނު ޕޮލިސް ސްޓޭޝަނަސް ގެންގޮސް އެތަނުގެ ހޯލްޑިން ރޫމުގައި ބަހައްޓާފައި ހުއްޓާ، އެތަނުގެި ހުރި ގޮނޑީގެ އަތްގަނޑުގައި ހުރި އިސްކުރު ނައްޓައި، އަތްގަނޑު ނައްޓައި އެތަނުގައި ހުރި ދޮރުގެ ތަޅަށް އޭނާ ގެއްލުން ދީފައިވާ ކަމަށެވެ.

ކްރިމިނަލް ކޯޓުން ވަނީ އޭނާގެ ބަންދުގެ މުއްދަތަށް 15 ދުވަސް ޖަހައިފައެވެ.