ދުނިޔެ
މިއަދު އިޒްރާއިލުން ދިން ހަމަލާގައި ޣައްޒާއިން ތިން މީހަކު ޝަހީދުވެ ގިނަ ބަޔަކު ޒަޚަމްވެއްޖެ

ޣައްޒާގެ އަންހެނުންތަކެއް ރޯދަވިއްލުމަށް ތައްޔާރުވަނީ.
މިއަދު އިޒްރާއިލުން ޣައްޒާއަށް ދިން ވައިގެ ހަމަލާގައި ތިން މީހަކު ޝަހީދުވެ ގިނަ ބަޔަކު ޒަޚަމްވެއްޖެއެވެ.
އިޒްރާއިލުން މިއަދު ޣައްޒާއަށް ހަމަލާދިން އިރު މިއަދު ހަމާސް ޖަމާޢަތާއި މިޞްރާއި ދެމެދު ވަނީ ހަމަލާތައް ހުއްޓާލުމާ ގުޅޭ ކަންކަމާމެދު ވަނީ މަޝްވަރާތައް ކުރެވިފައެވެ.
މިއަދު ޝަހީދުވެފައިވާ ތިން މީހުންނަކީ ތަފާތު ދެ ހަމަލާއެއްގައި ޝަހީދުވި ތިން މީހުންނެވެ. އެގޮތުން ހޮނިހިރު ދުވަހުގެ ހެނދުނު ރަފާހްގެ އިރުމަތީގައި ތިބި ބަޔަކަށް އަމާޒުކޮށް އިޒްރާއިލުން ދިން ޑްރޯން ހަމަލާގައި 2 ފަލަސްޠީނުގެ 2 މީހަކު ވަނީ ޝަހީދުވެފައެވެ.
އަނެއް މީހާ ޝަހީދުވެފައިވަނީ ރަފާހްގެ އިރުމަތީގައި އޮންނަ އައްތައްނޫރްގައި ދިން ހަމަލާއެއްގައެވެ.
ހުކުުރުވިލޭރެއިން ފެށިގެން އިޒްރާއިލުން ދަނީ ރަފާހްގެ އެކި ހިސާބުތަކަށް ހަމަލާތައް ދެމުންނެވެ. އެގޮތުން މީހުން ދިރިއުޅޭ ހިސާބުތަކަށް ހަނގުރާމަމަތީ ޓޭންކަރުތަކުގައި ވަދެ ހަމަލާދިނުމާއި ވައިގެ މަގުން ޑްރޯން ހަމަލާތަކާއި ބޮމުގެ ހަމަލާތައް ދަނީ ދެމުންނެވެ.
ފަލަސްޠީނުގެ ޞިއްޙީ ވުޒާރާއާއި ހަވާލާދީ އަލްޖަޒީރާގައި ބުނެފައިވަނީ 7 އޮކްޓޯބަރު 2023ގައި އިޒްރާއިލުން ދޭން ފެށި ހަމަލާތަކުގައި މިހާތަނަށް ފަލަސްޠީނުގެ 48،453 މީހަކު ވަނީ ޝަހީދުވެފައެވެ. އަދި 111،860 މީހަކު ޒަޚަމްވެފައިވެއެވެ.