ރަމަޟާން މަހުގެ ފުރަތަމަ 7 ދުވަހު މާލެއާއި ހުޅުމާލޭގައި ކަރަންޓު ބޭނުންކޮށްފައިވަނީ އެއް ޕެޓާންއަކަށް: ސްޓެލްކޯ

މިއަހަރުގެ ރަމަޟާން މަހުގެ ފުރަތަމަ 7 ދުވަހު މާލެއާއި ހުޅުމާލޭގައި ކަރަންޓު ބޭނުންކޮށްފައިވަނީ އެއް ޕެޓާންއަކަށްކަމަށް ސްޓޭޓް އިލްކްޓްރިކް ކޮމްޕެނީ ލިމިޓެޑް، ސްޓެލްކޯ އިން ވިދާޅުވެއްޖެއެވެ. 
 
ސްޓެލްކޯއިން މިފަދައިން ވިދާޅުވީ، އެ ކުންފުނީގެ ރަސްމީ "އެކްސް" އެކައުންޓު މެދުވެރިކޮށް ހިއްސާކުރެއްވި ޕޯސްޓެއްގައެވެ. ސްޓެލްކޯއިން ވިދާޅުވީ، ރަމަޟާންމަހުގެ ފުރަތަމަ 7 ދުވަހު މާލެއާއި ހުޅުމާލޭގައި ކަރަންޓު ބޭނުންކުރެވިފައިވާ ގޮތަށް ބަލާއިރު، އެއް ޕެޓާންއަކަށް ކަރަންޓު ބޭނުންކުރާކަން ފާހަގަވެފައިވާ ކަމަށެވެ. 
 
ސްޓެލްކޯއިން ވިދާޅުވީ، ކަރަންޓު ބޭނުންކުރާ މިންވަރު އެންމެ މަދުކަމަށް ފާހަގަކުރެވެނީ ރޭގަނޑު 12 އިން ފެށިގެން ހެނދުނު 6 އާއި ހަމައަށް ކަމަށެވެ. އަދި ހެނދުނު 6 އިން ފެށިގެން 9 ޖެހުމާއި ހަމައަށް ކަރަންޓު އެއްހަމައެއްގައި މަތިވަމުންދާކަން ސްޓެލްކޯއިން ވަނީ ފާހަގަކޮށްފައެވެ. މީގެ އިތުރުން، ސްޓެލްކޯއިން ވިދާޅުވީ، ހެނދުނު 9 އިން ފެށިގެން މެންދުރުފަހު 1 ޖެހުމާއި ހަމައަށް ކަރަންޓު ބޭނުންކުރަމުންދާ މިންވަރު އިތުރުވެފައިވާކަން ފާހަގަކުރެވޭ ކަމަށެވެ. އަދި މި ވަގުތުތަކުގައި ކަރަންޓު ބޭނުންކުރާ މިންވަރު އިތުރުވަނީ، މިއީ އެންމެ ހޫނު ގަދަވަމުންދާ، އަދި އޮފީސްތަކުގައި މަސައްކަތްކުރާ ގަޑިތައްވުމުންކަމަށް ސްޓެލްކޯއިން ވަނީ ފާހަގަކޮށްފައެވެ.  
 
މީގެ އިތުރުން ސްޓެލްކޯއިން ވިދާޅުވީ، މެންދުރުފަހު 1 އިން ފެށިގެން ހަވީރު 5 އާއި ދެމެދު ކަރަންޓު ބޭނުންކުރާ މިންވަރު އިތުރުވާކަން ފާހަގަކުރެވިފައިވާ ކަމަށެވެ. މިކަމުގެ އެންމެ ބޮޑު  އެއް ސަބަބަކީ، ރަމަޟާން މަހުގެ މިވަގުތަކީ ބަދިގޭގެ އެޕްލަޔަންސްތައް ބޭނުންކުރާ ވަގުތައްވުންކަމަށް ސްޓެލްކޯއިން މަޢުލޫމާތުދެއެވެ. މީގެ އިތުރުން، ހަވީރު 5 އިން ފެށިގެން ރޭގަނޑު 7 ޖެހުމާއި ހަމައަށް ކަރަންޓު ބޭނުންކުރާ މިންވަރު ދަށްކަމަށް ސްޓެލްކޯއިން ވަނީ ފާހަގަކޮށްފައެވެ. ނަމަވެސް، އެ ވަގުތުން ފެށިގެން ދަންވަރު 12 ޖެހުމާއި ހަމައަށް މެންދުރު ކަރަންޓު ބޭނުންކުރާ ލޯޑާއި އެއްވަރަށް ކަރަންޓު ބޭނުންކުރަމުންދާކަމަށް ސްްޓްލްކޯއިން ވަނީ ވިދާޅުވެފައެވެ. 
 
ސްޓެލްކޯއިން ވަނީ، ކަރަންޓު ބޭނުންކުރާ މިންވަރު އިތުރުކަމަށް ފާހަގަ ކުރެވިފައިވާ ގަޑިތަކުގައި ކަރަންޓު އިގްތިޞާދު ކުރުމަށް ޚާއްޞަ ސަމާލުކަމެއް ދިނުމަށް އިލްތިމާސްކުރައްވާފައެވެ.