މިއަހަރުގެ މިހާތަނަށް ރާއްޖެއަށް ޒިޔާރަތްކުރި ފަތުރުވެރިންގެ ޢަދަދު ފަސްލައްކައަށް އަރަނީ

މިއަަހަރުގެ މިހާތަނަށް ރާއްޖެއަށް ޒިޔާރަތްކުރި ފަތުރުވެރިވެރިންގެ ޢަދަދު ފަސްލައްކައަށް އަރަން ކައިރިވެފައިވާކަމަށް ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ދައްކައިފިއެވެ. 

އެ ވުޒާރާއިން މިމަހުގެ 6ވަނަ ދުވަހު ނެރެފައިވާ އެންމެ ފަހުގެ ތަފާސްހިސާބުތަކުން ދައްކާގޮތުގައި އެދުވަހާއި ހަމައަށް 463،406 ފަތުރުވެރިން ވަނީ ރާއްޖެއަށް ޒިޔާރަތްކޮށްފައިވެއެވެ. މިއީ މިފާއިތުވި 2024ވަނަ އަހަރުގެ މިމުއްދަތާއި އަޅައި ބަލާއިރު 4.6 އިންސައްތަ އިތުރުވުމެކެވެ. 

މިއަހަރުގެ މިހާތަނަށް އެންމެ ގިނަ ޢަދަދެއްގެ ފަތުރުވެރިން ރާއްޖެއަށް ޒިޔާރަތް ކޮށްފައިވަނީ ޗައިނާއިންނެވެ. އެގޮތުން އެޤައުމުން 60،672 ފަތުރުވެރިއަކު އައިސްފައިވެއެވެ. ދެވަނައިގައި އޮތީ ރަޝިޔާއެވެ. ތިންވަނައިގައި އޮތީ އިނގިރޭސިވިލާތެވެ. 

މި އަހަރު ސަރުކާރުން އަމާޒު ހިފާފައިވަނީ 2.3 ފަތުރުވެރިން ރާއްޖެއަށް ގެނައުމަށެވެ.