ޚަބަރު
މާލޭ ގެއެއްގެ ވެރިއަކަށް ބަޔަކު ބިރުދެއްކި މައްސަލައެއް ފުލުުހުން ބަލަނީ

ފުލުހުން ހައްޔަރުކޮށްފައިވާ ހަތަރު މީހުން. ފޮޓޯ: ފުލުހުން
މާލެ ގަލޮޅުގައި ހުންނަ ގެއެއްގެ ވެރިއަކަށް ބަޔަކު ބިރުދެއްކި މައްސަލައެއް ފުލުހުން ބަލަމުންދާކަމަށް ދިވެހި ފުލުހުންގެ އިދާރާއިން ބުނެފިއެވެ.
ފުލުހުން ހާމަކޮށްފައިވާ ގޮތުގައި މިމައްސަލަ ފުލުހުންނަށް ހުށައަޅައިފަވަނީ ރޭގެ ވަގުތެއްގައި ކަމަށެވެ. އަދި އެގެޔަށް ވަދެ ބިރުދައްކައި ގޭގެ ތަންތަނަށް ގެއްލުން ދިނުމުގެ މައްސަލާގައި ކުށުގެ ވެށިން ހަތަރު މީހަކު ހައްޔަރުކޮށްފައިވާ ކަމަށްވެސް ފުލުހުން ބުނެފައިވެއެވެ.
އެގޮތުން މިމައްސަލާގައި ހައްޔަރުކޮށްފައިވަނީ އއ.މާޅޮސް ރީތިހިޔާ މުޙައްމަދު އަފްލަޙް 23 އަހަރު، ނ.ވެލިދޫ އެލަސް އިބްރާހިމް އަހްނަފް 23 އަހަރު، ނ.މަނަދޫ ހަވޭލި މުޙައްމަދު އަޒާން 23 އަހާރި ތ.ގުރައިދޫ ފަޒާ އަލީ ނަވާފް 21 އަހަރެވެ.
ހައްޔަރުކުރި ހަތަރު މީހުންގެ ބަންދާއިމެދު ގޮތެއް ނިންމުމަށް މިއަދު ކްރިމިނަލް ކޯޓަށް ހާޒިރުކުރުމުން ހަތަރު މީހުންގެ ބަންދަށް 15 ދުވަސް ޖަހައިފައިވާކަމަށްވެސް ފުލުހުން ބުނެއެވެ.
މީގެއިތުރުން މިމައްސަލަ ފުލުހުން އިތުރަށް ތަހުޤީޤު ކުރަމުން އަންނަ ކަމަށްވެސް އެއިދާރާއިން ބުނެއެވެ.