ދީން
ދުނިޔެމަތީގައި ކީރިތި ޤުރުޢާން ކިޔަވާ މީހުންގެ މައްޗަށް ޤިޔާމަތް ދުވަހުން އެ ޤުރުޢާން ޝަފާޢަތްތެރިވާނެ

ކީރިތި ޤުރުއާން ކިޔެވުން--

ފަރުދުން
09 މާރިޗު 2025، 02:54
09 މާރިޗު 2025، 02:54
ދުނިޔެމަތީގައި ކީރިތި ޤުރުޢާން ކިޔަވާ މީހުންގެ މައްޗަށް ޤިޔާމަތް ދުވަހުން އެ ޤުރުޢާން ޝަފާޢަތްތެރިވާނެކަމަށް ވާރިދުވެފައިވާކަމަށް، ފަރުދުން މީޑިއާގެ "ބަރަކާތް" ޕްރޮގްރާމުގައި، އައްޝައިޚާ މަރްޔަމް ޝަބާނާ ވިދާޅުވެއްޖެއެވެ.
ޝަބާނާ ވިދާޅުވީ، އަހަރެމެން ދުނިޔެ މަތީގައި އުޅޭއިރު އެހީތެރިއަކަށް ބޭނުންވާ ފަދައިން، ޤިޔާމަތް ދުވަހު އެ ރައްކާތެރިކަން ލިބޭނީ ޝަފާޢަތުން ކަމަށެވެ. އެގޮތުން އެ ދުވަހު މަލާއިކަތްބޭކަލުންގެ ޝަފާއަތާއި، ރަސޫލުބޭކަލުންގެ ޝަފާޢާތާއި އަދި މާތް ﷲ ސުބްޙާނަހޫ ވަތަޢާލާގެ ޝަފާޢަތް ވެސް ލައްވާފައިވެއެވެ.
އަދި ދުނިޔެމަތީގައި ކީރިތި ޤުރުޢާން ކިޔަވާ ﷲގެ މީސްތަކުންނަށް، ޤިޔާމަތް ދުވަހު އެ ޤުރުޢާން ޝަފާޢަތްތެރިވާނެކަމަށް ކީރިތި ރަސޫލާ صـلّى الله علـيـه وسـلّم ވަނީ ބަޔާންކޮށްދެއްވާފައެވެ.
އެހެންކަމުން ޤިޔާމަތް ދުވަހު ޤުރުޢާނުން ޝަފާޢަތްތެރިކަން ހޯދުމަށްޓަކައި، މިއަދު އެކަމަށް ގަދައަޅާ މަސައްކަތްކުރާ ބަޔަކަށް ވުމަށް އައްޝައިޚާ މަރްޔަމް ޝަބާނާ ވަނީ އިލްތިމާސްކުރައްވާފައެވެ. އެގޮތުން ޤުރުޢާން ކިޔެވުމުގައި ގިނަ ވަގުތު ހޭދަކޮށް، ޤުރުޢާނުގެ މި މައްސަރުގައި އަހަރެމެންގެ ވަގުތުތައް ބޭކާރުނުކޮށް، ގިނަގިނައިން ޤުރުޢާން ކިޔަވައި، ޤިޔާމަތްދުވަހުގެ ރައްކާތެރިކަމާ، ނަރަކައިން މިންޖުކުރައްވައިތޯ މަސައްކަތް ކުރުމަށް ނަސޭހަތްތެރިވިއެވެ.