Ads by Exprox

ޚަބަރު

މާލެ ސަރަހައްދުގެ 48 ހާސް ގޭބިސީއަކަށް މިހާތަނަށް ރޯދަ ހަދިޔާ ދެވިފައިވޭ: ވަޒީރު އާދަމް ޝަރީފް

މާލެ ސަރަހައްދުގެ 48 ހާސް ގޭބިސީއަކަށް މިހާތަނަށް ރޯދަ ހަދިޔާ ދެވިފައިވޭ: ވަޒީރު އާދަމް ޝަރީފް

ރޯދަހަދިޔާގެ ގޮތުގައި ބަހަމުންދާ މަސްކޭސްތަކާއި ރައްޔިތުން ހަވާލުވަނީ. ފޮޓޯ: މިފްކޯ

ޙަސްނާ އަޙްމަދް

ޙަސްނާ އަޙްމަދް

09 މާރިޗު 2025، 04:05

09 މާރިޗު 2025، 04:05

މިހާތަނަށް މާލެ ސަރަހައްދުގެ 48 ހާސް ގޭބިސީއަކަށް ރޯދަ ހަދިޔާ ދެވިފައިވާ ކަމަށް ސިޓީ ތަކާއި އިދާރީ ދާއިރާތަކާއި އާންމު ޚިދުމަތްތަކާއި ބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ. 

ވަޒީރު މިހެން ވިދާޅުވީ އެމަނިކުފާނު ކުރެއްވެވި އެކްސް ޕޯސްޓެއްގައެެވެ. 

ވަޒީރު އާދަމް ޝަރީފް ވިދާޅުވީ މިހާތަނަށް އައިއިރު، މާލެ ސަރަޙައްދުގައި 48 ހާސް ގޭބިސީއަށް ވަނީ ރޯދަ ހަދިޔާ ފޯރުކޮށްދެވިފައިކަމަށެވެ. އަދި މިރެއާއި 10 މާޗް ވަނަ ދުވަހުގެރޭ، މިހާރެކޭ އެއްގޮތަށް 13 މަރުކަޒުގައި ރޯދަ ހަދިޔާ ދޫކުރުން ކުރިޔަށްދާނެ ކަމަށްވެސް އެމަނިކުފާނު ވިދާޅުވިއެވެ.

އަދި ގިނަ ފަރާތްތަކަކަށް ރޯދަ ހަދިޔާ ދޫކުރެވިފައިވުމާއެކު، މާޗް 11 ވަނަ ދުވަހުން ފެށިގެން، ރޯދަ ހަދިޔާ ދޫކުރާނީ މިފްކޯގެ ފިހާރަތަކުން ކަމަށާއި، މާލެ އަދި ހުޅުމާލޭގައި ހުރި މިފްކޯގެ 4 ފިހާރަ ހުޅުވިފައި ހުންނަ ގަޑި ތަކުގައި ދޫކުރުން ކުރިޔަށްދާނެ ކަމަށްވެސް އެމަނިކުފާނު ވިދާޅުވެފައިވެއެވެ.

ރޯދަ ހަދިޔާ ދޫކުރާ މަރުކަޒުތައް 11 ވަނަ ދުވަހުން ފެށިގެން ބަދަލުވީ ނަމަވެސް، ރޯދަހަދިޔާ ދޫކުރުން ކުރިޔަށްދާނީ މިހާރެކޭ އެއްގޮތަށް، އޮންލައިން ޓޯކަން ނިޒާމުގެ ތެރެއިން ކަމަށާއި ބޭނުންވާ ހުރިހާ ފަރާތްތަކަށް ލިބެންދެން ރޯދަހަދިޔާ ބެހުން ކުރިޔަށްދާނެ ކަމަށްވެސް ވަޒީރު އާދަމް ޝަރީފް ވިދާޅުވިއެވެ. 

މި ލިޔުން ކިޔާލުމުން

Ads by MSS