ވިޔަފާރި / ޚަބަރު
އެމްޓީސީސީ އާއި ސްޓެލްކޯ ގުޅިގެން ހުޅުމާލޭގައި ތެޔޮ ރައްކާކުރާ ޓޭންކުތަކެއް ޤާއިމުކުރަނީ

އެއްބަސްވުމުގައި ސޮއި ކުރުމުގެ ރަސްމިއްޔާތުގެ ތެރެއިން ފޮޓޯ:އެމްޓީސީސީ
ހުޅުމާލެ ފޭސް 2 ގައި ތެޔޮ ރައްކާކުރާ ޓޭންކުތަކެއް ޑިޒައިންކޮށް އުފެއްދުމަށް އެމްޓީސީސީ އާއި ސްޓެލްކޯ އާ ދެމެދު އެއްބަސްވުމެއްގައި ސޮއިކޮށްފިއެވެ. މި ޓޭންކުތަކުގެ ސަބަބުން ކަރަންޓުގެ ބޭނުން އެންމެ ބޮޑުވާ ވަގުތުތަކުގައި ސްޓެލްކޯގެ ކަރަންޓު އުފެއްދުމުގެ ޤާބިލުކަން އިތުރުވެ، ރައްޔިތުންނަށް އިތުބާރުހުރި ގޮތެއްގައި ކަރަންޓުގެ ޚިދުމަތް ފޯރުކޮށްދެވޭނެއެވެ.
މި އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ، ރިޓަޔަރޑް ޑެޕިއުޓީ ކޮމިޝަނަރ އޮފް ޕޮލިސް އަޙްމަދު ސަޢުދީއެވެ. އަދި ސްޓެލްކޯގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ އަލްފާޟިލް ޙުސައިން ފަހުމީއެވެ.
MTCC has signed an agreement with @STELCOMALDIVES for the design and fabrication of fuel storage tanks in Hulhumalé Phase 2. These tanks will enhance STELCO’s capacity to meet heavy electricity demands during peak hours, ensuring a more reliable energy supply for the community.… pic.twitter.com/g2suqLPqCo
— MTCC Plc (@MTCCPlc) March 9, 2025
މި މަޝްރޫޢުގެ ސަބަބުން ހުޅުމާލޭގެ ކަރަންޓުގެ ޚިދުމަތް އިތުރަށް ހަރުދަނާވެ، ރައްޔިތުންނަށް ފޯރުކޮށްދެވޭ ޚިދުމަތުގެ ފެންވަރު މަތިވެގެންދާނެއެވެ.