ދުނިޔެ

ޣައްޒާއަށް ދޫކުރާ ކަރަންޓު ކަނޑާލުމަށް އިޒްރާއިލުން ނިންމައިފި

ޣައްޒާއަށް ދޫކުރާ ކަރަންޓު ކަނޑާލުމަށް އިޒްރާއިލުން ނިންމައިފި

ޣައްޒާގެ އާއިލާއެއް ރަމަޟާން މަހަށް މަރުޙަބާ ކިޔަނީ

ޙަސްނާ އަޙްމަދް

ޙަސްނާ އަޙްމަދް

09 މާރިޗު 2025، 10:05

09 މާރިޗު 2025، 10:05

ޣައްޒާއަށް ދޫކުރާ ކަރަންޓު ކަނޑާލުމަށް އިޒްރާއިލުން ނިންމައިފިއެވެ. 

އަލްޖަޒީރާގައި ބުނެފައިވަނީ އިޒްރާއިލްގެ އެނާޖީ މިނިސްޓަރ އެލީ ޗޮހެން މިކަން އަންގައި އެކްސްގައި ޕޯސްޓެއް ކޮށްފައިވާކަމަށެވެ. އެގޮތުން އޭނާ ބުނެފައިވަނީ މަޝްވަރާތައް ފުދިއްޖެ ކަމަށާއި މިވަގުތަކީ ފިޔަވަޅު އަޅަންވީ ވަގުތު ކަމަށެެވެ. އަދި ޣައްޒާއަށް ދޫކުރަމުންދާ ކަރަންޓު ވަގުތުން ވަގުތުން ވަގުތައް ކަނޑާލާނެ ކަމަށްވެސް އޭނާ ބުނެފައިވެއެވެ. 

ޣައްޒާއަށް ދޫކުރަމުންދާ ކަރަންޓު ކަނޑާލުމަށް ނިންމައި އިޒްރާއިލުން އެކަން އިޢުލާނުކޮށްފައި މިވަނީ ޣައްޒާގެ ބޯޑަރުތައް ހުރަސްކޮށް ވަންނަ ކާބޯތަކެއްޗާއި ޒަރޫރީ އެހެން ތަކެތި ވެއްދުން މަނާކޮށް ބޯޑަރު ބަންދުކުރިތާ ހަފްތާއެއްގެ ފަހުންނެވެ. 

ޣައްޒާގެ ބިމުން ރިޕޯޓު ކުރަމުން އަލްޖަޒީރާގެ ހިންދު ޚުދަރީ ބުނެފައިވަނީ އިޒްރާއިލުން ކަރަންޓު ކަނޑާލައިފިނަމަ ފެނުގެ ސަޕްލައިވެސް ހުއްޓިގެން ދާނެ ކަމަށެވެ. މިހާރުވެސް ފަލަސްޠީނުގެ ރައްޔިތުން ދަނީ ފެނުގެ ދަތިކަން ތަހައްމަލް ކުރަމުންނެވެ. ހަމަމިއާއި އެކު ޖަނެރޭޓަރު ތަކަށް އަޅާނެ ތެޔޮ ނެތުމުން އެމަގުވެސް ބަންދުވެފައިވާކަމަށް ހިންދު ވަނީ ބުނެފައެވެ. 

އަލްޖަޒީރާގައި ރިޕޯޓުކޮށްފައިވާ ގޮތުން ޚާން ޔޫނިސްގައި ހިންގަމުންދާ 6 ބޭކަރީވެސް ތެޔޮ ނެތުމުގެ ސަބަބުން ހުއްޓާލަން ޖެހިފައިވާކަމަށެވެ. މިފަދަ ކަންކަން މިހެން އޮތްއިރުވެސް އިޒްރާއިލުން ދަނީ ޣައްޒާއަށް ވައްދަން މަސައްކަތް ކުރާ އިންސާނީ އެހީ ހުއްޓުވަމުންނެވެ. 

މި ލިޔުން ކިޔާލުމުން

Ads by MSS