Ads by Exprox

ޚަބަރު

މާލޭގައި ދިރިއުޅެމުންދާ ދިވެއްސަކު ގެއްލިގެން ހޯދަނީ

މާލޭގައި ދިރިއުޅެމުންދާ ދިވެއްސަކު ގެއްލިގެން ހޯދަނީ

ގެއްލިގެން ހޯދަމުންދާ ޢަބްދުﷲ ޝިހާދު/ފޮޓޯ: މޯލްޑީވްސް ޕޮލިސް

11 މާރިޗު 2025، 11:24

ނ. މަނަދޫ މީހަކު ގެއްލިގެން ހޯދުމުގެ މަސައްކަތް ފަށައިފިއެވެ.

 ފުލުހުން ވިދާޅުވީ، ނ. މަނަދޫ، ރީޙުއްޞަބާ، އުމުރުން 37 އަހަރުގެ ޢަބްދުﷲ ޝިހާދު އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ކުރަމުންދާކަމަށެވެ.

 ޢަބްދުﷲ ޝިހާދު ގެއްލިގެން ހޯދަން ފަށާފައިވަނީ މިމަހުގެ 10 ވަނަ ދުވަހުއެވެ. ފުލުހުން ވިދާޅުވީ، މިމަހުގެ 8 ވަނަ ދުވަހުގެ  16:51 އިން ފެށިގެން އޭނާ އާއިލާއަށް ޚަބަރެއްނުވެ ގެއްލިގެން އުޅޭ ކަމަށް ރިޕޯޓުކޮށްފައިވާ ކަމަށެވެ. އަދި އޭނާ ގެއްލިގެން އުޅޭކަމުގެ ރިޕޯޓު ފުލުހުންނަށް ކޮށްފައިވަނީ މާރިޗު 10 ވަނަ ދުވަހުގެ 20:05 ހާއިރު ކަމަށް ފުލުހުން މަޢުލޫމާތުދެއެވެ. މީގެ އިތުރުން ފުލުހުން ވިދާޅުވީ، ޢަބްދުﷲ ޝިހާދު ދިރިއުޅެމުންދަނީ މާލޭގައި ކަމަށާއި، އަދި އޭނާގެ ފޯނަށް ނުގުޅޭ ކަމަށްވެސް ޢާއިލާއިން ފުލުހުންނަށް މަޢުލޫމާތުދޭ ކަމަށެވެ.

 ޢަބްދުﷲ ޝިހާދުގެ އެއްވެސް މަޢުލޫމާތެއް ލިބިފައިވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ގަލޮޅު ޕޮލިސް ނަންބަރު 9631696 އަށް ގުޅުއްވައި ހިއްސާކުރެއްވުމަށް ފުލުހުން ވަނީ އެދިފައެވެ.

މި ލިޔުން ކިޔާލުމުން

Ads by MSS