ދުނިޔެ

ތަކެތީގެ ދަތިކަމުގެ ސަބަބުން ޣައްޒާގެ ބޭކަރީތަކާއި ކޮމިއުނިޓީ ބަދިގެތައް ބަންދުކުރަނީ

ތަކެތީގެ ދަތިކަމުގެ ސަބަބުން ޣައްޒާގެ ބޭކަރީތަކާއި ކޮމިއުނިޓީ ބަދިގެތައް ބަންދުކުރަނީ

ކޮމިޔުނިޓީ ބަދިގެ އެއްކައިރީގައި ކާތަކެއްތި ހޯދުމަށް ކުޑަކުދިންތަކެއް ޖަމާވެފަ

ޙަސްނާ އަޙްމަދް

ޙަސްނާ އަޙްމަދް

11 މާރިޗު 2025، 02:12

11 މާރިޗު 2025، 02:12

ތަކެތި ލިބުން ދަތިވެ ޣައްޒާގެ ބޭކަރީތަކާއި ކޮމިޔުނިޓީ ބަދިގެތައް ބަންދުކުރާ ހިސާބަށް ޙާލަތުގޮސްފިއެވެ. 

އަލްޖަޒީރާގެ ނޫސްވެރިޔާ ހިންދު ޚުދަރީ ބުނެފައިވަނީ ޣައްޒާއަށް ކާބޯތަކެތީގެ އެއްވެސް ބާވަތެއް އަދި މެޑިކަލް ސާމާނާއި ތެޔޮ ނުވެއްދި 10 ދުވަސް މިހާރު ފާއިތުވެފައިވާ ކަމަށެވެ. 

މީގެއިތުރުން ޣައްޒާއަށް ކަރަންޓު ދޫކުރަމުންދިޔަ ހަމައެކަނި ލައިން އިޒްރާއިލުން ބަންދު ކޮށްފައިވާއިރު އެކަމުގެ ސަބަބުން ސާފު ބޯފެން އުފައްދަމުން ދިޔަ ހަމައެކަނި ސަޕްލައި ސްޓޭޝަންގެ މަސައްކަތްވެސް ވަނީ ހުއްޓިފައެވެ.

ކައްކާގޭހަށް ބަރޯސާވެ އެތަންތަނުގެ މަސައްކަތްތައް ކުރިއަށް ގެންދާ ބޭކަރީތަކަށް ގޭސް ނުލިބުމުގެ ސަބަބުން މަސައްކަތް ހުއްޓާލާ ތަންތަން ބަންދުކުރަން ވަނީ މަޖުބޫރުވެފައެވެ. 

މީގެ އިތުރުން ރޯދަ ވިއްލުމަށް އިފްތާރް ޕެކްތައް ހިލޭ ބަހަމުންދިޔަ ކޮމިޔުނިޓީ ބަދިގެތައް ކައްކަން ބޭނުންވާ ސާމާނު ނުލިބުމުގެ ސަބަބުން އެމަސައްކަތް ކުރަން ދަތިވެފައިިވާކަމަށް އަލްޖަޒީރާގައި ބުނެފައިވެއެވެ. 

ތެޔޮ ނެތުމާއި ކަރަންޓުގެ ޚިދުމަތް ނުލިބުމުގެ ސަބަބުން ހޮސްޕިޓަލްތައް ބަންދުކޮށް ޚިދުމަތް ހުއްޓާލަން ޖެހިދާނެ ކަމުގެ ބިރުވެސް ވަނީ ހީވެފައެވެ. 

ހިންދު ބުނެފައިވަނީ މަގުތަކުގައި މީހުން ލަކުޑި ފަދަ ތަކެތި އެއްކުރުމަށް މަސައްކަތް ކުރާ މަންޒަރުފެންނަ ކަމަށާއި، ގޭސް ނުލިބުމުގެ ސަބަބުން ކާބޯތަކެތި ރޯފިލުވުމަށް ދަރު އުނދުން ބޭނުންކުރުމަށް ތައްޔަރުވަމުން އަންނަކަމަށް ވެސް ހިންދު ބުނެއެވެ. 

އަދި މާރުކޭޓުތަކުގައި ކާބޯތަކެތީގެ ގިނަ ބާވަތްތައް ހުސްވެފައިވާ ކަމަށާއި ތަކެތި ހުރި ނަމަ އަތްނުފޯރާފަށަށް އެތަކެތީގެ އަގު އަރައިފައިވާ ކަމަށެވެ.

މި ލިޔުން ކިޔާލުމުން

Ads by MSS