Ads by Exprox

ޚަބަރު

ވިއްސާރާއިގެ ސަބަބުން ކެންސަލްކުރި ސަލަފްގެ “ރޯދަ ހަދިޔާ” އިވެންޓް އަންނަ އާދީއްތަ ދުވަހުގެރޭ ބާއްވަނީ

ވިއްސާރާއިގެ ސަބަބުން ކެންސަލްކުރި ސަލަފްގެ “ރޯދަ ހަދިޔާ” އިވެންޓް އަންނަ އާދީއްތަ ދުވަހުގެރޭ ބާއްވަނީ

ރޯދަ ހަދިޔާ އިވެންޓުގެ ޕޯސްޓަރެއް

ޙަސްނާ އަޙްމަދް

ޙަސްނާ އަޙްމަދް

11 މާރިޗު 2025، 02:14

11 މާރިޗު 2025، 02:14

ވިއްސާރައިގެ ސަބަބުން ކެންސަލްކުރި ސަލަފްގެ “ރޯދަ ހަދިޔާ” އިވެންޓް އަންނަ އާދީއްތަ ދުވަހުގެ ރޭ ބޭއްވުމަށް ނިންމައިފިއެވެ. 

މި އިވެންޓް ބޭއްވުމަށް ހަމަޖެހިފައިވަނީ ހުޅުމާލެ ސެންޓްރަލް ޕާކުގައެވެ. 16 މާރޗް 2025 ވަނަ ދުވަހުގެރޭ 21:30 ގައި ބާއްވަން ހަމަޖެހިފައިވާ މި އިވެންޓްގައި ސަލަފް ރޯދަ ހަދިޔާގެ ގުރުއަތުނެގުން ކުރިއަށް ދާނެއެވެ. މިއިވެންޓްގައި ދޫކުރާ ހަދިޔާތައް ސްޕޮންސަރަ ކޮށްފައިވަނީ ރާއްޖޭގެ ބައެއް ކުންފުނިތަކުންކަން ފާހަގަކޮށްލަން ޖެހެއެެވެ.

އޭގެތެރޭގައި އެލިއާ އިންވެސްޓްމަންޓް، ފަރުމާ ފަރނީޗަރ، އިޒްއަޙްމަދު.ކޮމް، މެރިން އިކުއިޕްމަންޓް، އެސް.ޓީ.އޯ، ރެޑްވޭވް، ދިވެހިޖީ.ޕީ.ޓީ، އެލް.ވަން ހާރޑްވެއަރ ހިމެނެއެވެ.

ހަދިޔާތަކުގެ ގުރުއަތު ނެގުމުގެ އިތުރުން މި އިވެންޓުގައި ދީނީ މަޢުލޫމާތު ލިއްބައިދޭ ފޯރަމެއް ކުރިއަށް ގެންދިޔުމަށް ވަނީ ހަމަޖެހިފައެވެ. 

މިއިވެންޓުގެ މީޑީއާ ޕާޓްނަރެއްގެ ގޮތުގައި ހަމަޖައްސައިފައިވަނީ ދާރިސް ޓީވީއެވެ. 

 ސަލަފް ރޯދަ ހަދިޔާ އިވެންޓް ފަސްކޮށްފައިވަނީ 27 ފެބްރުއަރީ 2025 ވަނަ ދުވަހުގެ ރޭ، އިވެންޓުގެ ހުރިހާ ތައްޔާރީތަކެއް ވެފައިވަނިކޮށް، އެންމެ ފަހުވަޤުތު މޫސުން ގޯސްވުމުގެ ސަބަބުންނެވެ. އަގުބޮޑު އެތައް ހަދިޔާ ތަކެއް ހުށައަޅާފައިވާ މިއިވެންޓަކީ، ޢާންމުންގެ ވަރަށް ބޮޑަށް އިންތިޒާރު ކުރަމުން އަންނަ އިވެންޓެއް ކަމަށް ޖަމިއްޔަތުއް ސަލަފުން ބުނެއެވެ. 

މި ލިޔުން ކިޔާލުމުން

Ads by MSS