ޚަބަރު
ސިނގިރޭޓް ކާޓޫންތައް ގެއްލުނު މައްސަލަ: ދައުވާކުރަން ޕީޖީއަށް ފޮނުވައިފި

ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމް ކޮމެޓީ ބައްދަލުވުމުގައި/ ފޮޓޯ: މަޖިލިސް އިދާރާ
މާލޭގައި ހުންނަ ބޮންޑެޑް ވެއާހައުސްއެއްގައި ރައްކާކޮށްފައި ހުރި 34،500 ސިނގިރޭޓް ކާޓޫން ގެއްލުނު މައްސަލަ ކަސްޓަމްސްއިން ތަހުގީގުކޮށް، ދައުވާކުރަން ޕްރޮސިކިއުޓާ ޖެނެރަލް (ޕީޖީ) އޮފީހަށް ފޮނުވައިފިއެވެ. މި މައްސަލަ މަޖިލީހުގެ ސަލާމަތީ ބާރތަކުން ވެސް ދަނީ ދިރާސާކުރަމުންނެވެ.
ސަލާމަތީ ހިދުމަތްތަކާ ބެހޭ ކޮމިޓީގެ މިއަދުގެ ބައްދަލުވުމުގައި ވާހަކަދައްކަވަމުން ރައްޔިތުންގެ މަޖިލީހުގެ ނައިބު ރައީސް، ދިއްގަރު ދާއިރާގެ އަހުމަދު ނާޒިމް ވިދާޅުވީ، އެ މައްސަލަ ކޮމިޓީން ބަލަމުންދާ އިރު، މައްސަލައިގެ ތަހުގީގު ނިންމައި އެކަމުގައި ހިމެނޭ ފަރާތްތަކަށް ދައުވާކުރަން ޕީޖީ އޮފީހަށް ފޮނުވާފައިވާ ކަމަށް ކަސްޓަމްސްއިން މައުލޫމާތު ދީފައިވާ ކަމަށެވެ.
ސިކިރޭޓް ކާޓޫނުތައް ގެއްލުނު މައްސަލަ ކޮމިޓީން ބަލަމުން ދަނިކޮށް، އެ ތަކެތި ބޮންޑެޑް ހައުސްއިން ގެއްލުމުގެ ކުރިން އެ ތަކެތި ރާއްޖެ އެތެރެކުރި ކުންފުނީގެ ހިއްސާދާރުން ބަދަލުކުރި މައްސަލައެއް ވެސް ވަނީ ފެންމަތިވެފައެވެ. އެ މައްސަލަވެސް ކޮމިޓީން ގެންދަނީ ބަލަމުންނެވެ
އެ މައްސަލައަކީ ކަސްޓަމްސްގެ ފޯލްޓް ވަރަށް ބޮޑަށް އޮތް މައްސަލައެއް، އަޅުގަނޑުމެންނަށް ކަސްޓަމްސް އިން ފޮނުވި ޓައިމްލައިންގެ އިންޓަގްރިޓީއާމެދު ވެސް އަޅުގަނޑުމެން ވާނީ ސުވާލު އުފައްދައިފައި. ސަބަބަކީ ވަރަށް ކީ ތާރީހެއް އޭގެން މަދުވާކަން ބެލިބެލުމުން އެނގޭ. އެއީ އެކުންފުނީގެ ހިއްސާދާރުން ވަނީ ބަދަލު ކޮށްލައިފައި، އެ އަސްލު ސުމަގްލް ކުރި ކުންފުނިން ވަނީ އެ ހިއްސާދާރުން ބަދަލު ކޮށްލައިފައި. އަނެހެން ދަންނަވަންޏާ އެއްވެސް ޒިންމާއެއް ނެތް، ނޭނގެ ކުށްވެރިން ނޫން ކަމެއްވެސް ޕާޓޭން ނޫން ކަމެއްވެސް. ހިއްސާ ބަސަލުކޮށްލައިފި. ނަމަވެސް ހިއްސާ ބަދަލުކޮށްލައިފައި އޮތީ. ބޮންޑެޑްވެއާހައުސްގެ އިންވެންޓްރީ ނަގައިފައި. އެމީހުން އަމިއްލަައަށް ބުނެގެން އިންވެންޓްރީއާ ހަވާލުވެފައި އެބައޮތް، މިއީ މޮޔަޔަކު ނޫނީ ނުކުރާނެ ކަމެއް.
ނާޒިމް ވިދާޅުވިއެވެ.
ނާޒިމް ވިދާޅުވީ، ފޭކު ދެ މީހުން ލައިގެން ކުންފުނީގެ ހިއްސާ ބަދަލުކޮށްފައި ހުރިހާ ސިނގިރޭޓެއް ވިކާފައި، ކުންފުނީގެ ކުރީގެ ހިއްސާދާރުންނަށް ހުރިހާ ފައިސާ ލިބުނު އިރު، ބިލް ލިބުނީ ފޭކު ދެ ހިއްސާދާރުންނަށް ކަމަށެވެ.
އެހެންވީމަ މި އެތެރެކުރި މީހުން ދެއްތޯ ހުރިހާ މަންފާއެއް ލިބޭނީ. އެ ހުރިހާ ސިނގިރޭޓެއް ވިއްކާ ނިމިއްޖެ އެކަމަކު ބިލެއް މި ލިބުނީ އެކަމަށް ނުވެސްބެހޭ އާދައިގެ ދެމީހަކަށް. 47 މިލިޔަން ރުފިޔާގެ ބިލެއް މިލިބުނީ އެ މީހުންނަށް އެ ދެއްކޭނެ ގޮތެއްވެސް ނެތް.
ނާޒިމް ވިދާޅުވިއެވެ.
މިހާ ބޮޑު ތުހުމަތުތަކެއް ކަސްޓަމްސްގެ މައްޗަށް ކުރެވެމުންދާއިރު، އަދިވެސް އެއްވެސް ފަރާތެއްގެ ތަޙުޤީޤު ނިފައިނުވާކަމާއި، ތަޙުޤީޤުތައް މެދުނުކެނޑި ކުރިއަށްދާކަން ފާހަގަކޮށްލެވެއެވެ.