ކީރިތި ޤުރުޢާނަކީ މި އުއްމަތަށް އޮތް ބޮޑު ނިޢުމަތެއް

ޝައްކެއް ނެތް ގޮތުގައި ކީރިތި ޤުރުޢާނަކީ މި އުއްމަތަށް އޮތް ބޮޑު ނިޢުމަތެކެވެ.

ދަންނާށެވެ. ކީރިތި ޤުރުޢާން ރަމަޟާން މަހެއްގައި ބާވައިލެއްވުމުން އެ މަސްވީ އެންމެ މާތް މައްސަރަށެވެ. ކީރިތި ޤުރުޢާން ލައިލަތުލްޤަދުރި ވިލޭރޭ ބާވާލެއްވުމުން އެރޭވީ އެންމެ މާތް ރެޔަށެވެ. ކީރިތި ޤުރުޢަން ރަސޫލާ صـلّى الله علـيـه وسـلّمގެ މައްޗަށް ބާވާލެއްވުމުން އެކަލޭނެފާނުވީ އެންމެ މާތް ނަބިއްޔާއަށެވެ. އަދި ކީރިތި ޤުރުޢާން މި އުއްމަތަށް ބާވާލެއްވުމުން އެންމެ މާތް އުއްމަތަކަށްވީ މި އުއްމަތެވެ.

އެހެންކަމުން އަހަރެމެންގެ ހިތްތަކުގައި މި ޤުރުޢާން ޖަމާކޮށްފިއްޔާ، އަހަރެމެންނަށް ލިބޭނެ މަތިވެރިކަމާ ޝަރަފު ހިތައް ގެނަސްބަލާށެވެ. މިއަށް ވުރެ ބޮޑު ނިޢުމަތެއް ދުނިޔޭގައި ލިބޭނެ ހެއްޔެވެ.

ޤިޔާމަތް ދުވަހުން ގޮވާލެއްވޭނެއޭ، އޭ ޤުރުޢާނުގެ އަޙުލުވެރިންނޭ. ތިޔަބައިމީހުން ދުނިޔެމަތީގައި ޤުރުޢާން ކިޔަވާ އުޅުނު ފަދައިން ޤުރުޢާން ކިޔަވާށޭ. ތިޔަބައި މީހުން ކިޔަވާ އެންމެ ފަހު އާޔަތަކީ، ޤިޔާމަތް ދުވަހު ތިޔަބައި މީހުންގެ މަންޒިލޭ.

ކީރިތި ޤުރުޢަން ރަސޫލާ صـلّى الله علـيـه وسـلّمގެ ހަދީޘް ބަސްފުޅެއްގައިވެއެވެ.

ޢިލްމުވެރިން ސިފަކުރައްވާފައިވާ ގޮތުގައި، މި ހަދީޘް ބަސްފުޅުގައި ޤުރުޢާނުގެ އަޙުލުވެރިނޭ މުޙާތަބުކޮށްފައިއެވަނީ ޤުރުޢާން ހިތުދަސްމީހުންނަށެވެ.

މިކަމުން އަންގައިދެނީ، ޤުރުޢާން މުރާޖާކޮށް ހިތުދަސްކުރާ މީހުންނަށް ޤިޔާމަތާއި އާޚިރަތުގައި ހުރި ދަރުމަ އާއި ޘަވާބެވެ. އެހެންކަމުން އަހަރެމެން މަސައްކަތްކުރަންވީ އެ ޤުރުޢާނަކީ އަހަރެމެންގެ ހިތްތަކުގައި ޖަމާކޮށް މި ރަނުގެ ފުރުސަތު ހާސިލްކުރުމުގެ ނަސީބު ލިބޭނެ ބަޔަކަށް ވުމަށެވެ.

މަސްދަރު:

1446 ވަނަ އަހަރުގެ ރަމަޟާން މަހަށް ޙާއްސަކޮށް ފަރުދުން މީޑިއާއިން ގެނަސްދިން "ބަރަކާތް" ޕްރޮގްރާމް.

އެޕިސޯޑުގެ ޕްރެޒެންޓަރ: އައްޝައިޙާ މަރްޔަމް ޝަބާނާ