ޚަބަރު
އެގްރޯނެޓްގެ މަސައްކަތް އަލުން ފެށުމަށް ވަޒީރުންގެ މަޖިލީހުން ނިންމައިފި

އެގްރޯނެޓް. ފޮޓޯ: ޕީއެސްއެމް
އެގްރޯނެޓްގެ މަސައްކަތް ދަނޑުވެރިކަމާ ބެހޭ ވުޒާރާގެ ދަށުން ބަލަހައްޓާގޮތައް ކަނޑައަޅައި އެތަނުގެ މަސައްކަތް އަލުން ފެށުމަށް ވަޒީރުންގެ މަޖިލީހުން ނިންމައިފިއެވެ.
ވަޒީރުންގެ މަޖިލީހުން މިގޮތައް ނިންމައިފައިމިވަނީ އެގްރޯނެޓް އުވާލައި އެތަނުގެ ދަށުން ކުރެވެމުން ދިޔަ މަސައްކަތް މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން ޕަބްލިކް ލިމިޓެޑާ ހަވާލުކުރެއްވުމަށް ނިންމައިފައި ވަނިކޮށެވެ.
އެގޮތައް އެނިންމުން ނިންމައިފައިވަނިކޮށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވަނީ އެ މައްސަލަ ވަޒީރުންގެ މަޖިލީހަށް ހުށައަޅުއްވާ، އެ ނިންމެވުމަށް ބަދަލު ގެންނަވާ، އެގްރޯނެޓް އަކީ މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން ޕަބްލިކް ލިމިޓެޑުގެ ސަބްސިޑަރީ ކުންފުންޏެއްގެ ގޮތުގައި ހަމަޖެއްސެވުމަށް ނިންމަވައިފައެވެ.
އެގްރޯ ނެޓަކީ ދިވެހިރާއްޖޭގައި ދަނޑުވެރިކަމުގެ ސިނާޢަތް ކުރިއެރުވުމުގެ މަޤުޞަދުގައި 2020 ވަނަ އަހަރު އުފައްދާފައިވާ ކުންފުންޏެކެވެ.
ވަޒީރުގެ މަޖިލީހުން މިހާރު ނިންމަވައިފައިވާ ގޮތުން ދަނޑުވެރިކަމާބެހޭ ވުޒާރާއިން އެގްރޯ ނެޓުގެ ސައްކަތްތައް ވިލަރެސްކޮށް، ޓާގެޓްތައް ކަނޑައަޅާނެއެވެ.މި ބަދަލުގެ މައިގަނޑު މަޤްސަދަކީ ދަނޑުވެރިކަމާބެހޭ ވުޒާރާގެ އިރުޝާދުގެ ދަށުން ދަނޑުވެރިކަމުގެ ސިނާއަތުގެ މަސައްކަތްތައް އިތުރަށް ހަރުދަނާކުރުމެވެ. އަދި ދަނޑުވެރިން ހައްދާތަކެތި ވިއްކޭނެ އިތުރު މަގުތައް ފަހިކޮށް، ދަނޑުވެރިކަމުން އިތުރު އާމްދަނީ ހޯދޭނެ ގޮތްތައް ފަހިކުރުމެވެ.