ކުޑަކުދިންތަކެއްގެ މެދުގައި ހިނގި މާރާމާރީއަކާ ގުޅިގެން ދެ ކުދިން ހައްޔަރުކޮށްފި

ތޫނު ހަތިޔާރު ބޭނުންކޮށް ކުޑަކުދިންތަކެއްގެ މެދުގައި ހިނގި މާރާމާރީއަކާ ގުޅިގެން ދެ ކުދިން ހައްޔަރުކޮށްފިއެވެ.

މި ހާދިސާ ހިނގާފައިވަނީ ރޭގެ ވަގުތެއްގައި، ހުޅުމާލެ ފޭސް-2 ގައެވެ. 

ހާދިސާގެ މަޢުލޫމާތު ރޭގެ 10:00 ހާއިރު ފުލުހުންނަށް ލިބިގެން އެ ސަރަޙައްދަށް ދިޔައިރު، އެއް ކުއްޖަކު ޒަހަމްވެފައިވާކަމަށް ފުލުހުންވަނީ ހާމަކޮށްފައެވެ. އަދި މި މައްސަލައާ ގުޅިގެން 2 ކުއްޖަކު ފުލުހުންގެ ބެލުމުގެ ދަށަށް ގެންގޮސްފައިވާއިރު، އިތުރު ދެ ކުއްޖަކު ވަނީ ހިފަހައްޓާފައެވެ.

މި މައްސަލައިގައި މުޅިން ވެސް ހިމެނެނީ އުމުރުން 18 އަހަރު ނުވާ ކުޑަކުދިންކަމަށް ފުލުހުން ހާމަކޮށްފައިވެއެވެ. 

އަދި މި މައްސަލަ އިތުރަށް ތަޙުޤީޤު ކުރަމުން އަންނަކަމަށް ފުލުހުން ވަނީ ހާމަކޮށްފައެވެ.