އެއްހާހަށް ވުރެ ގިނަ ފަތުރުވެރިންނާއިއެކު ރާއްޖެއަށް އިތުރު ކްރޫޒްލައިނަރއެއް

އެއްހާހަށް ވުރެ ގިނަ ފަތުރުވެރިންނާއި އެކު ރާއްޖެއަށް އިތުރު ކްރޫޒްލައިނަރއެއް އައިއްސިއެވެ.

 މިފަހަރު ރާއްޖެއަށް އައިސްފައިވަނީ ސްރީލަންކާމަގުން އައި ކްރޫޒްލައިނަރއެއްކަމަށް މޯލްޑިވްސް އިމިގްރޭޝަނުން މަޢުލޫމާތުދެއެވެ. މި ކްރޫޒްލައިނަރ ރާއްޖެ އައިސްފައިވަނީ މި މަހުގެ 9 ވަނަ ދުވަހުއެވެ.

މޯލްޑިވްސް އިމިގްރޭޝަނުން ވިދާޅުވީ، "އެމްއެސް ޒުއިޑަޑަމް" ކިޔާ މި ކްރޫޒްލައިނާއިން ރާއްޖެއަށް 1274 ފަތުރުވެރިން އައިސްފައިވާ ކަމަށެވެ. އަދި މި ކްރޫޒްލައިނަރގައި 751 ކްރޫއިން ހިމެނޭކަމަށް ވެސް އިމިގްރޭޝަނުން ހާމަކުރެއެވެ.

ސްރީލަންކާއިން މި ކްރޫޒްލައިނަރ ރާއްޖެ އައިސްފައިވާއިރު، މިއީ މި މަހުގެ ތެރޭގައި ރާއްޖެ އައި 2 ވަނަ ކްރޫޒްލައިނަރއެވެ. މި މަހުގެ ތެރޭގައި، ސީޝެލްސްއިން ވެސް ވަނީ ރާއްޖެއަށް ކްރޫޒްލައިނަރއެއް އައިސްފައެވެ. އެ ކްރޫޒްލައިނުން ރާއްޖެއަށް ޖުމްލަ 576 ފަތުރުވެރިން ވަނީ ޒިޔާރަތްކޮށްފައެވެ.

ރާއްޖެއަކީ ކްރޫޒްލައިނަރތަކުގެ މެދުގައި މަޤްބޫލް މަންޒިލަކަށް ވެފައިވާއިރު، ސަރުކާރުން މަސައްކަތް ކުރަނީ ރާއްޖޭގެ ތިން ސަރަހައްދެއްގައި ކުރޫޒް ލައިނާތަކަށް ހާއްސަ ޖެޓީތަކެއް ތަރައްޤީކުރުމަށެވެ. އެގޮތުން، މި ދާއިރާއިން ގިނަ މަސައްކަތްތަކެއް ކުރައްވަމުން ގެންދަވާކަމަށް ސަރުކާރުން ވަނީ މީގެ ކުރިން ވެސް ހާމަކޮށްފައެވެ.

ފަތުރުވެރިކަމާބެހޭ ވުޒާރާގެ ތަފާސްހިސާބުތައް ދައްކާގޮތުން މިއަހަރުގެ މިހާތަނަށް ރާއްޖެއަށް 488،000 އަށްވުރެ ގިނަ ފަތުރުވެރިން ވަނީ އައިސްފައެވެ.

Immigration clearance was provided for 1,274 passengers and 751 crew members from the MS Zuiderdam, which arrived from Colombo, Sri Lanka, to Malé, Maldives, on March 9th, 2025. The Seaport Division officers successfully conducted the en-route clearance process from March 7th to… pic.twitter.com/I6YzHAhGzZ

— Maldives Immigration (@ImmigrationMV) March 12, 2025