ނަރީޝް ޑެޕިޔުޓީ މޭޔަރުކަމުން އިސްތިއުފާ ދެއްވައިފި

މާލޭގެ ޑެޕިޔުޓީ މޭޔަރުކަމުގެ މަޤާމުގައި ހުންނެވި އަހުމަދު ނަރީޝް އެމަޤާމުން އިސްތިއުފާ ދެއްވައިފިއެވެ.

އެކަން ހާމަކުރައްވައި ނަރީޝް ވިދާޅުވެފައިވަނީ އެހެން ދާއިރާއަކުން ރައްޔިތުންނަށް ޚިދުމަތްކުރުމުގެ ފުރުސަތު ލިބިފައިވާތީ ޑެޕިޔުޓީ މޭޔަރުގެ މަޤާމުން އިސްތިއުފާދޭ ކަމަށެވެ. 

ނަރީޝްވަނީ 2021 ވަނަ އަހަރުގެ ކައުންސިލް އިންތިޚާބުގައި މާފަންނު މެދު ދާއިރާގެ މެމްބަރުން އޭނާއަށް ތާއީދު ކޮށްދެއްވައި އިންތިޚާބު ކޮށްދެއްވި ކަމަށްޓަކައި ޝުކުރު އަދާކުރައްވައިފައެވެ.

އަދި ކައުންސިލްގެ މެމްބަރުންނަށާއި ކުރީގެ މޭޔަރ އަދި މިހާރުގެ ރައީސް ޑޮކްޓަރ މުޙައްމަދު މުއިއްޒު އަދި މިހާރުގެ މޭޔަރ އާދަމް ޢާޒިމްއަށް ޝުކުރު އަދާ ކުރައްވައިފައިވެއެވެ.