ކުޅިވަރު
މި އަހަރު ބާއްވާ ސާފް ޗެމްޕިއަންޝިޕް ސްރީލަންކާގައި

ރާއްޖެއިން އެންމެ ފުރަތަމަ ސާފް ޗެމްޕިއަންޝިޕް ކާމިޔާބުކުރިއިރު، ޢަލީ އަޝްފާޤު އާއި އިބްރާޙިމް ފަޒީލް---
މި އަހަރު ބާއްވަން ހަމަޖެހިފައިވާ ސާފް ޗެމްޕިއަންޝިޕް ސްރީލަންކާގައި ބޭއްވުމަށް، ސައުތު އޭޝިއަން ފުޓުބޯޅަ ފެޑެރޭޝަން (ސާފް) އިން ނިންމައިފިއެވެ.
އެ ފެޑެރޭޝަނުން އިއްޔެ ބޭއްވި ބައްދަލުވުމުގައި ނިންމާފައިވަނީ މި މުބާރާތް މި އަންނަ ޖޫން މަހުގެ 22 އިން ޖުލައި 5 އަށް ކުރިޔަށް ގެންދިއުމަށެވެ.
މި މުބާރާތް ކުރިން ނިންމާފައި އޮތީ، ހޯމް އެންޑް އަވޭ އުސޫލުން ކުޅުމަށެވެ. ނަމަވެސް އެއީ އެންމެ ރަގަޅު ގޮތްކަމަށް ނުފެންނާތީ، ކުރިން ވެސް މުބާރާތް ކުރިޔަށް ގެންދާ ގޮތަށް، ސެންޓްރަލްކޮށް ވަކި ޤައުމެއްގައި ބޭއްވުމަށް މިހާރު ވަނީ ނިންމާފައެވެ.
މި މުބާރާތް ދެ ޤައުމެއްގައި ކުޅެފައިވަނީ އެންމެ ފަހަރަކުއެވެ. އެއީ 2008 ގައި ރާއްޖެ އާއި ސްރީލަންކާގައި ބޭއްވި މުބާރާތެވެ.
ދިވެހިރާއްޖެއިން ވަނީ މި މުބާރާތް ދެ ފަހަރު ކާމިޔާބުކޮށްފައެވެ. އެއީ 2008 އާއި 2018 ގައެވެ. މި ދެ ފަހަރު ވެސް ރާއްޖެއިން ތަށި އުފުލާލީ، ފައިނަލުގައި މުބާރާތް އެންމެ ގިނައިން ކާމިޔާބުކޮށްފައިވާ އިންޑިއާ ބަލިކުރުމަށްފަހުއެވެ.